- ဆရာကြီးသခင်ကိုယ်တော်မှိုင်း၏စာပေအနုပညာ (၀ါ) မှိုင်းဗေဒ

ဆရာကြီးသခင်ကိုယ်တော်မှိုင်း၏စာပေအနုပညာ (၀ါ) မှိုင်းဗေဒ

ဆရာကြီး သခင်ကိုယ်တော်မှိုင်း၏ စာပေအနုပညာ (၀ါ) မှိုင်းဗေဒကို ဖော်ပြရန်မှာ ကျမ်းကြီးကျမ်းခိုင် တဆူတဖွဲ့ ဖြစ်ရပါလိမ့်မည်။ ဆရာကြီး ရေးခဲ့သမျှသော ကဗျာ၊ စကားပြေများကို ပြည့်စုံ ခိုင်လုံ ကျယ်ပြန့်စွာ ကိုးကားညွှန်ပြရန် လိုပါလိမ့်မည်။ သို့သော် ယခု စာတန်းငယ်တွင် ဆရာကြီး၏ စာပေအနုပညာသဘောကို နိဒါန်းပျိုးရုံလောက်၊ မိတ်ဆက်ပေး ရုံလောက်၊ အဓိပ္ပါယ်ဖွင့်ဆိုရုံမျှလောက်သာလျှင် တတ်နိုင်မည် ဖြစ်၍ ခွင့်လွှတ်ရန် တောင်းပန်လိုပါသည်။

(၁)

ရှေးဦးစွာ 'သခင်ကိုယ်တော်မှိုင်း၏ စာပေအနုပညာ' ဟူသော ဝေါဟာရ၏ အဓိပ္ပါယ်ကို ရှင်းပြရပေမည်။ အနုပညာဆိုသည်မှာ လူ့စိတ်ကူးဖြင့် လူတို့၏ဘ၀ကို ရသပေါ်အောင် ဖွဲ့နွဲ့သော အာရုံခံစားမှု ပုံသဏ္ဍာန် ဖြစ်ပါသည်။ တနည်းပြောရရင် လူတို့၏ဘ၀တွင် ထိတွေ့ခံစားရသော အာရုံခံစားမှု အတွေ့အကြုံ၊ စီးပွါးရေး၊ နိုင်ငံရေး၊ လူမှုရေးဘ၀အတွေ့အကြုံ တို့ကို ပိရိသတ်အား မိမိကဲ့သို့ ခံစားရလေအောင် ရသအမူအရာဖြင့် လှပစွာ တင်ပြဖော်ကျူး သော အရာသည် အနုပညာဖြစ်သည်ဟု အဆိုရှိပေသည်။

အသံဖြင့် သီဆို တီးမှုတ်ဖော်ပြသည်။ ကိုယ်လက်လှုပ်ရှားမှု ကပြမှုတို့ဖြင့် ဖော်ပြသည်။ အရောင်အဆင်း၊ မျဉ်းကြောင်းတို့ဖြင့် ဆေးရေးဖော်ပြသည်။ အ၀န်း အပြား အလုံး အကြွတို့ဖြင့် သွန်းထုဖော်ပြသည်။ စကားလုံးတို့ဖြင့် သီကုံးဖော်ပြသည်။ ယင်းသို့သော ဂီတအနုပညာ၊ အကအနုပညာ၊ သဘင်အနုပညာ၊ ပန်းချီ ပန်းပု အနုပညာ စသဖြင့် အနုပညာများ ရှိသည့်အနက် စာပေ အနုပညာသည်လည်း အနုပညာတရပ်အဖြစ် ပါဝင်ပေသည်။

စာပေ၌လည်း စကားပြေ၊ ကဗျာ ဟူသော စာပေပုံသဏ္ဍာန်များ ရှိလေရာ ဆရာကြီး သခင်ကိုယ်တော်မှိုင်းသည် စကားပြေရော ကဗျာပါ စာပေပုံသဏ္ဍာန် နှစ်မျိုးစလုံး အသုံးပြုသူ ဖြစ်ပေသည်။ စကားပြေ၌ ၀တ္ထု၊ ပြဇာတ်နှင့် ဋီကာ၊ ဂဏ္ဍိဟုခေါ်သော ဆောင်းပါးအမျိုးအစား များ ရေး၍ ကဗျာ၌ လေးချိုးကြီးကို အများဆုံး အထူးပြု ရေးခဲ့ပေသည်။

ယင်းသို့ ဆရာကြီးသည် စာပေများကို ရေးသားရာတွင် ဆရာကြီး၏ စာပေ၌ မည်သူ နှင့်မျှ မတူအောင်ထူးခြားဆန်းသစ်သော၊ သမိုင်းခေတ်အဆက်ဆက် ပြည်သူများ နှစ်သက် စွဲလန်းနိုင်သော အာရုံခံစားနိုင်သော ရသပညာ ရှိသည်။ ယင်းသို့ ဆရာကြီးသခင် ကိုယ်တော် မှိုင်းတည်းဟူသော ပုဂ္ဂိုလ်သာလျှင် ဖန်တီးနိုင်စွမ်းရှိသော၊ ထူးခြားခြင်းရှိသော၊ အနုပညာ ၀ိသေသ ဂုဏ်ထူးကို အစွဲပြုလျက် သခင်ကိုယ်တော်မှိုင်း၏ စာပေအနုပညာဟူသော စာဝေါဟာရသစ်ဖြင့် သုံးနှုန်းလိုက်ရခြင်း ဖြစ်ပေသည်။

ဆရာကြီးသခင်ကိုယ်တော်မှိုင်း၏ စာပေအနုပညာသည် မည်သို့ ထူးခြားလေသလဲ။ အခြားသော စာအနုပညာတို့နှင့် ကွာခြားပါသလား၊ မည်မျှ ထူးကဲပါသလဲ။

(၂)

ဆရာကြီး သခင်ကိုယ်တော်မှိုင်း၏ အနုပညာသည် မည်သည့်ခံစားမှု ဝေဒနာမှ ဆင်းသက်လာပါသလဲ။ ဤအချက်မှာ ထင်လင်းလှပေသည်။

ဆရာကြီး၏ စာပေအနုပညာသည် ဆရာကြီး၏ ဘ၀ခံစားမှုဝေဒနာမှ ဆင်းသက်လာ ပေသည်။ တနည်းပြောရလျှင် ဆရာကြီး၏ ဘာသည် တကိုယ်တော်ဘ၀ မဟုတ်။ အုပ်စိုးသော လူတန်းစားများ နေထိုင်ရာ မှန်စီရွှေချ စံအိမ်တော်မဟုတ်။ အဖိနှိပ်ခံ အအုပ်စိုးခံ ပြည်သူတို့၏ ဘ၀အောက်ခြေ မြေဇာမြက်ပင်များ၏ ဘ၀နှင့် ဆက်စပ်နေသည်။ တနည်းပြောရလျှင် ဆရာကြီး၏ အနုပညာသည် ဆရာကြီး ဖြတ်သန်းကြီးပြင်းလာရသော မျက်မှောက်ခေတ်နှင့် ဆက်စပ်နေသည်။ တနည်းပြောရလျှင် ဆရာကြီး၏ စာပေအနုပညာသည် ယနေ့ မျက်မှောက် ခေတ်၏ အခြင်းအရာတရပ်ဖြစ်သော ပြည်သူတို့၏ အမျိုးသားလွတ်မြောက်ရေး လှုပ်ရှားမှုကြီး မှ ဆင်းသက်လာခြင်း ဖြစ်သည်။

အမျိုးသား လွတ်မြောက်ရေး လှုပ်ရှားမှုမှာ ကျယ်ပြန့်လှပေသည်။ လွတ်လပ်ရေး၊ ဒီမိုကရေစီရေး၊ ညီညွတ်ရေး၊ ငြိမ်းချမ်းရေး၊ ဆိုရှယ်လစ်ရေး ဟူ၍ တိုက်ပွဲ အခန်းခန်း ရှိပေ သည်။ ဆရာကြီးသည် ယင်း လွတ်လပ်ရေးလှုပ်ရှားမှု၊ ဒီမိုကရေစီရေးလှုပ်ရှားမှု၊ ညီညွတ်ရေး လှုပ်ရှားမှု၊ ငြိမ်းချမ်းရေးလှုပ်ရှားမှု၊ ဆိုရှယ်လစ်ရေး ဦးတည်လှုပ်ရှားမှုများတွင် ပါဝင်ဆောင် ရွက်ပြီး၊ ယင်းတိုက်ပွဲ အခန်းခန်းတို့ကို စာပေ၌ထင်ဟပ်သော အနုပညာကား ဆရာကြီး၏ အနုပညာဖြစ်ပေသည်။

ဆရာကြီးသည် မှန်ခန်းဆောင်၌ ငိုက်မှေးရီဝေနေသူ မဟုတ်။ စိန်ပန်းပြာရိပ်အောက်၌ ခိုနားနေသူမဟုတ်၊ အဖိနှိပ်ခံပြည်သူတို့၏ တိုက်ပွဲအဆက်ဆက်၌ အမြဲတမ်းပါဝင်သူ ဖြစ်သည်။ ထို့ကြောင့်ပင်လျှင် ရှေးဝံသာနုခေတ်မှ ယနေ့ ငြိမ်းချမ်းရေးလှုပ်ရှားမှုခေတ်အထိ အရွယ်အားဖြင့် အသက် ၈၀ ကျော်မှ ဆယ်ကျော်သက် လူငယ်များအထိ အကြည်ညိုခံရဆုံး ပြည်သူ့ခေါင်းဆောင် စာပေပညာရှင်ကြီးအဖြစ် ရပ်တည်နေခြင်း ဖြစ်၏။

ဆရာကြီးသည် တိုးတက်သော လူငယ်များနှင့် ခေတ်အဆက်ဆက် လက်တွဲခဲ့သည်။ မနေ့က တိုးတက်သော လူငယ်သည် ယနေ့ဖောက်ပြန်လာလျှင် ယင်းလူငယ်ဟောင်းနှင့် လက်တွဲဖြုတ်ခဲ့ကာ နောက်တခေတ် တိုးတက်သော လူငယ်အသစ်နှင့် လက်တွဲပြန်သည်။ သမိုင်းခေတ်အဆက်ဆက်တွင် အဖိနှိပ်ခံ ပြည်သူဘက်မှ အစဉ်ရပ်တည်ခဲ့သူ ဖြစ်သည်။ ယင်းသို့ တိုးတက်သော၊ တော်လှန်သော၊ အဖိနှိပ်ခံ ပြည်သူတို့ဘက်မှ ရပ်တည်သဖြင့်လည်း ယင်း ဆရာကြီး၏ နိုင်ငံရေးခံစားမှု ဝေဒနာကို စကားပြေနှင့် ကဗျာများသည် ပြည်သူတို့၏ ခံစားမှုအသံ (၀ါ) ပြည်သူ့အသံ ဖြစ်လာတော့သည်။ ယင်းသည်ကား ဆရာကြီး သခင်ကိုယ်တော်မှိုင်း၏ အနုပညာ ဖြစ်သည်။

(၃)

ဆရာကြီးသခင်ကိုယ်တော်မှိုင်း၏ အနုပညာဝါဒသည်ကား ဘာလဲ။ ဆရာကြီး၏ အနုပညာဝါဒသည်ကား ဘက်လိုက်ရေး (၀ါ) ပြည်သူ့ဘက်လိုက်ရေး ဖြစ်သည်။

အောင်မြန်မာ သတင်းစာ (၁၉၂၉) သို့ပေးသော ဆောင်းပါးအမှာစာ၌ 'အမောင်တပည့်တို့၊ ယခုထုတ်ဝေလတ္တံ့သော အောင်မြန်မာသတင်းစာမှာ (မည်သည့်ဂိုဏ်း ဂဏ ၀ါဒ တို့တွင်မှ ပါဝင်ခြင်းမရှိဘဲ) ဟူသောအချက်ကို စာမျက်နှာ ၂ တွင် တွေ့မြင်ရကြောင်း၊ ၎င်းကဲ့သို့ အချင်းအရာကို ဆရာမနှစ်မျို့နိုင်ပေ။ အကြောင်းကို ဆိုချေလျင် အကြင်လောကီသူ လောကီသားတို့ ကြီးပွါးဘို့၊ လွတ်လပ်ဘို့ စသော ဂီဟိကမ္မလူတို့ ကိစ္စဟူသမျှတို့မှာ မူလအားဖြင့် အများတည်းဟူသော အသင်းအပင်း ဂိုဏ်ဂဏ တို့နှင့် ၀ိုင်းမှ ရုန်းဆောင်မှ သာလျှင် အောင်မြင် ထမြောက်နိုင်ရာသည်' စသည်ဖြင့် ဖော်ပြပါရှိရာ ဆရာကြီး၏ ဘက်လိုက်ရေးဝါဒမှာ ယနေ့ ကမ္ဘာ့ဆိုရှယ်လစ်နိုင်ငံရေး သဘောတရား သုခမိန်များ၏ ၀ါဒနှင့် တသားတည်း ကိုက်ညီနေသည်ကို တွေ့ရပေသည်။

ဆရာကြီး၏ အခြားအနုပညာဝါမှာ ယနေ့ ဝေါဟာရအားဖြင့် ခေါ်ဝေါ်နေကြသော သရုပ်ဖော်စာပေ၀ါဒပင် ဖြစ်သည်ကို ဆရာကြီး၏ ၀တ္ထုနှင့် လေးချိုးကြီးများတွင် ထင်ရှားစွာ တွေ့နိုင်ပေသည်။ တနည်းပြောရလျှင် ဆရာကြီးသည် ဆရာကြီးနှင့် ခေတ်ပြိုင်လှုပ်ရှားမှုကို အမြဲတမ်းဖွဲ့နွဲ့ သရုပ်ဖော်သော သရုပ်ဖော်ဝါဒကို ကိုင်စွဲသူ ဖြစ်ပေသည်။ ခေတ်ပြိုင်လှုပ်ရှားမှု ကား အခြားမဟုတ်၊ အဖိနှိပ်ခံရသူက ဖိနှိပ်သူကို တော်လှန်ခုခံသော လှုပ်ရှားမှု ဖြစ်သည်။ ထိုအခါ၌ ဆရာကြီးသည် အာဏာရသွားသောသူ (၀ါ) ဖိနှိပ်သူကို ကဲ့ရဲ့ရှုတ်ချပြီး အဖိနှိပ်ခံရသူ ၏ တော်လှန်ခုခံရေးကို ချီးမွမ်းဂုဏ်ပြုသည်။ ယင်းသည်ကား ဆရာကြီး၏ သရုပ်ဖော်စာပေ၌ သုံးသော အနုပညာ ၀ါဒတရပ်ပင် ဖြစ်ပေသည်။

ယင်းသဘောကို ဆရာကြီး၏ လေးချိုးကြီးများ၌ အထင်အရှား တွေ့ရပေသည်။ ဆရာကြီး၏ ၀တ္ထုများ၌ လူ့ဘ၀ လူ့သဘာဝအဖွဲ့အနွဲ့တို့ကို တွေ့နိုင်ပေသည်။ ဆရာကြီး၏ ဋီကာ၊ ဂဏ္ဍိ စသော ဆောင်းပါးများတွင် ဆရာကြီးနှင့် ခေတ်ပြိုင် တော်လှန်ရေးလှုပ်ရှားမှုများ၏ မှတ်တမ်းကို ရသဟန်ဖြင့် ဖွဲ့နွဲ့ဖော်ပြထားသည်ကို တွေ့နိုင်ပေသည်။

ဆရာကြီးသည် သူ၏ အနုပညာပေါ်၌ ရိုးသားဖြောင့်မတ်သည်။ လုပ်သလိုပြော၍ ပြောသလို လုပ်သည်။ အကျင့်တခြား အရေးတခြားမဟုတ်။ ထို့ကြောင့်ပင်လျှင် ပြည်သူတို့က သခင်ကိုယ်တော်မှိုင်းတည်းဟူသော အဖိနှိပ်ခံ ပြည်သူ့ဘက်တော်သား လူပုဂ္ဂိုလ်ကို ခင်သဖြင့် သူ၏ တရားကိုလည်း မင်ခြင်း ဖြစ်ပေသည်။ ယင်းဆရာကြီး၏ အနုပညာအပေါ်၊ ခေတ်အဆက်ဆက် ပြည်သူ့အပေါ် ရိုးဖြောင့်သော သဘောထားသည် ဆရာကြီး၏ အနုပညာဟန် ဖြစ်လာသည်။ ဆရာကြီး၏ လေးချိုးကြီးများသည် ရပ်ရွာထဲမှ ပြည်သူတို့၏ အသံ၊ အမျိုးသားဟန်တို့ဖြင့် ထုံမွှမ်းသည်ဖြစ်၍ ဆရာကြီးသခင်ကိုယ်တော်မှိုင်း၏ စာပေအနုပညာဟူ၍ ယနေ့ တော်လှန်သော ပြည်သူ့စာပေသစ်၌ ကဏ္ဍကြီးတရပ်အဖြစ် ထူထောင်ကျော်ကြားရခြင်း ဖြစ်ပေသည်။ ယင်း ဆရာကြီး၏ အနုပညာစာပေအစဉ်အလာ၊ စာပေရေစီးကြောင်းကြီးသည် ယနေ့ခေတ်၌ စွမ်းသန်သော အင်အားအဟုန်ဖြင့် စီးဆင်းလျက် ရှိနေဆဲ ဖြစ်ပေသည်။

(၁၉၇၂ ဆရာကြီး သခင်ကိုယ်တော်မှိုင်းရဲ့ (၉၆) နှစ်မြောက် မွေးနေ့အခမ်းအနားမှာ ဒဂုန်တာရာ ဖတ်ကြားတဲ့ စာတမ်း ဖြစ်ပါတယ်။ ဒဂုန်တာရာ ရဲ့ 'စာလုံး၊ ဆေးစက် စောင်းကြိုး နှင့် ကတ္တီပါကားလိပ်' ၁၉၇၄ ဧပြီလ၊ ပထမအကြိမ်မှ ကူးယူဖော်ပြပါတယ်)

အလှရှာတော်ပုံ

အလှရှာတော်ပုံ

(၁)

အနုပညာနှင့် ပတ်သက်သော  သဘောတရားရေးရာ စာအုပ်များကား ကျွန်တော်တို့ နိုင်ငံ၌ ရှားပါးလှသည်။ အနုပညာနှင့် ပတ်သက်သော ကျောင်းများပင်လျှင် ကျယ်ကျယ်ပြန့်ပြန့် ဖွင့်လှစ်သည်မှာ သိပ်မကြာသေးပေ။

လွတ်လပ်သော နိုင်ငံတနိုင်ငံ၏ ကြန်အင်မှာ အမျိုးသားအင်အားများ စွမ်းသန်နိုင်ရေး ဖြစ်ပေသည်။ အမျိုးသား အင်အားများ လွတ်လပ်စွာ စွမ်းသန်နိုင်သော အခြေအနေရှိခြင်းကို အမျိုးသား လွတ်လပ်ရေး၏ အနှစ်သာရအဖြစ် မှတ်ယူရပေမည်။ အမျိုးသား အင်အားရပ်ထဲ၌ ယဉ်ကျေးမှု အင်အားစုလည်း ပါဝင်ပေသည်။

ကျွန်တော်တို့ နိုင်ငံ၌ အလှအပကို ချစ်သောသူများ၊ ဆန်းသစ် ဖန်တီးလိုသူများ ရှိကြသည်။ သို့သော် အလှအပ ချစ်ခွင့်၊ ဆန်းသစ်ဖန်တီးခွင့် မရကြ။ စာပေအနုပညာနှင့် ပတ်သက်သော သဘောတရားရေးရာ၊ ဝေဖန်ရေးရာ စာအုပ်များမှာ ရှားပါး၍ မိမိဖါသာပင်လျှင် ကြိုးစား အားထုတ်ကြရသည်။

ယဉ်ကျေးမှု ဆိုသည်ကား ပြုစုပျိုးထောင်၍ လေ့ကျင့်ယူရသော ပညာရပ် ဖြစ်သည်။ သီချင်းကြီး တပုဒ်ကို နားလည်ရန်အတွက် သီချင်းကြီး များစွာကို နားထောင်ကာ ပျိုးထောင်ပေးရသည်။ ပန်းချီကားတချပ်ကို နားလည်ရန်အတွက် ပန်းချီကား များစွာကို ငေးမောကြည့်ရှုကာ ပျိုးထောင်ပေးရသည်။ ပျို့ ကဗျာ လင်္ကာလည်း ထိုနည်းအတူပင် ဖြစ်သည်။ အကသဘင်လည်း ထိုနည်းအတူပင် ဖြစ်သည်။

ယင်းသို့ ဆိုသဖြင့် ယဉ်ကျေးမှု ပညာရပ်များသည် ခက်ခဲနက်နဲသည်ဟု အဓိပ္ပါယ်ကောက်ရန် မဟုတ်ပေ။

မခက်ခဲ မနက်နဲပါ။

တေးသီချင်း နားထောင်ချင်သည်။ အိမ်၌ အသံဖမ်းစက်၊ သို့မဟုတ် ဓါတ်စက်မရှိပါ။ စန္ဒရား တီးတတ်ချင်သည်။ အိမ်၌ စန္ဒရားယူသော တူရိယာ မရှိပါ။ ပန်းချီရေးချင်သည်။ အိမ်၌ ဆီဆေးဗူးနှင့် စုတ်တံ မရှိပါ။ ယင်းတို့သည်ကား အခွင့်အလမ်း မရှိခြင်း ဖြစ်သည်။ တနည်းဆိုရလျှင် အခွင့်အရေးမ၇ှိခြင်းပင် ဖြစ်သည်။ ပညာရပ်က ခက်ခဲခြင်း၊ နက်နဲခြင်း မဟုတ်ပါ။ ပညာရပ်ကို လေ့လာဆည်းပူးရန်၊ လေ့ကျင့်ပျိုးထောင်ရန် အခြေအနေက ခက်ခဲနေခြင်းသာ ဖြစ်ပေသည်။

ယင်းသို့သော အခွင့်အရေး သဘောသည် အမျိုးသား လွတ်လပ်ရေးသဘော ဖြစ်သည်။ တနည်းဆိုလျှင် ဒီမိုကရေစီသဘော ဖြစ်သည်။ ပြည်သူတို့က မိမိတို့၏ အင်အားကို လွတ်လပ်စွာ ရှင်သန်ဖွံ့ဖြိုးအောင် လုပ်နိုင်သည့် အခွင့်အရေး သဘောပင်ဖြစ်သည်။

ထို့ကြောင့်ပင်လျှင် ပြည်သူ့အာဏာခေတ်ကို ဦးတည်ခဲ့သော ကျွန်တော်တို့၏ နိုင်ငံရေး ခေါင်းဆောင်မှုက လွတ်လပ်ရေး၊ ဒီမိုကရေစီရေး၊ ဆိုရှယ်လစ်ရေး ဟူသော သမူဟကို လမ်းစဉ်ချခဲ့သည် မဟုတ်လော။

(၂)

အမျိုးသား အင်အားကို ထူထောင်ကြရာ၌ ပြည်သူ့ဘက်မှလည်း တယောက်တလက် ပါဝင်ကြရပေမည်။

ယခု ပေါ်သစ်၏ စာအုပ်သည် ယဉ်ကျေးမှုစွမ်းအားစုကို ထူထောင်ရာ၌ အားထုတ်မှု တခုဖြစ်သည်ဟု ယုံကြည်မိပေသည်။

ဝတ္ထု ကဗျာများ ထွက်နေရုံနှင့် မပြီး။ စာပေရေးရာ သဘောတရား ရှင်းလင်းချက်များ ထုတ်ဝေခြင်းဖြင့်လည်း စာဖတ်ပရိသတ်အား စာပေအနုပညာ သဘာဝကို နားလည်အောင် ပျိုးထောင် ပြုစုပေးရပေမည်။ ထို့အတူ ပန်းချီပြခန်းများ ဖွင့်လှစ်ပေးရုံနှင့်မပြီး။ ပန်းချီ ပရိသတ်အား ပန်းချီအနုပညာကို ခံစားစေရန် သဘောတရားများကို ဖြန့်ဝေ ပေးရပေမည်။

ပန်းချီကားများ ပေါ်ထွက်လာရုံနှင့် မပြီး။ ပန်းချီအလှ ခံစားသော ပရိသတ် ကျယ်ဝန်းလာဘို့လည်း လိုသည်။ အနုပညာနှင့် အနုပညာခံစားမှုပရိသတ်၊ တနည်းဆိုလျှင် ယဉ်ကျေးမှု နှင့် ပြည်သူသည် ရေမြင့်မှ ကြာတင့်ပေမည်။

ကျွန်တော်တို့ အနောက်နိုင်ငံသို့ လည်ပတ်စဉ်က ဘဲလေးဟုခေါ်သော အကဇာတ်များ ကြည့်ရသည်။ မကြည့်ရခင် ယင်းအကဇာတ်၏ ဇာတ်လမ်း ဇာတ်ကွက် နှင့်တကွ အကဇာတ်ရေးသူ ဇာတ်ဆရာ၊ ပါဝင်ကပြသူ မင်းသမီး မင်းသား၊ အကဇာတ် အဓိပ္ပါယ်စသော အစီအစဉ် စာအုပ်ကို ကြိုတင် ဖတ်ရှုထားရသည်။ ကျွန်တော်တို့လို ဧည့်သည်များသာ မဟုတ်။ သူတို့ ပြည်တွင်း ပရိသတ်များကလည်း ယင်းစာအုပ်ကို ဖတ်ကြသည်။ ကျွန်တော်တို့နှင့် အတူပါသော စကားပြန်များကလည်း စာအုပ်ကို ဖတ်၍ ကျွန်တော်တို့ကို ရှင်းပြရသည်။ တခါတရံ ကျွန်တော်တို့ မေးမြန်းသော မေးခွန်းကိုပင် ပြေလည်အောင် မဖြေတတ်။ ယင်းသို့သော အနုပညာ လမ်းညွှန်စာအုပ်များ ဖတ်ရှုပြီး တဖြည်းဖြည်း အကဇာတ်ကို နားလည်စ ပြုလာသည်။ အခြားသော အကဇာတ် အကြောင်း ရှင်းလင်းဖော်ပြသည့် စာအုပ်စာတမ်းများ ဖတ်ရှုပြီး ကြည့်ရင်း ကြည့်ရင်းနှင့် အရသာ တွေ့လာသည်။ ယင်းသို့လျှင် စာအုပ်စာတမ်း အကူအညီဖြင့် အနုပညာ ခံစားမှုကို ပြုစုပျိုးထောင်ပေးကာ စိတ်၌ ယဉ်ကျေး လာရပေသည်။

ကျွန်တော်တို့သည် အင်္ဂလိပ်လက်အောက်၌ နှစ်ပေါင်း ၆၀ ခန့် နေခဲ့ကြရာ၊ အနောက်နိုင်ငံ ယဉ်ကျေးမှု သြဇာ အနည်းနှင့် အများဆိုသလို သက်ရောက်ခဲ့သည်။ ကမ္ဘာ့ရာဇဝင်ကို အင်္ဂလိပ် ဘာသာမှတဆင့် သိခဲ့ကြရသည်။

ယဉ်ကျေးမှုရေးရာ၊ အထူးသဖြင့် ပန်းချီအနုပညာ ရေးရာ၌ အနောက်သြဇာသည် သက်ရောက်သည်။ ယနေ့ မြန်မာပန်းချီမှာ မြို့နေ ပန်းချီဆရာများမှ တဆင့် ပြန့်ပွါးလာခဲ့ရသဖြင့် ယင်းသို့ ဖြစ်ဟန် တူပေသည်။

ယင်းသို့ ဖြစ်ရခြင်းမှာ မြန်မာနိုင်ငံသို့ အရင်းရှင်နယ်ချဲ့စနစ် ရောက်လာခြင်းကြောင့် ဖြစ်ပေသည်။

အမျိုးသား လွတ်လပ်ရေးအင်အားကို ခိုင်မာအောင် လုပ်ရာ၌ နယ်ချဲ့ဆန့်ကျင်ရေး၊ ဒီမိုကရေစီရေး၊ ညီညွတ်ရေး၊ ငြိမ်းချမ်းရေး၊ ဆိုရှယ်လစ်ရေး စသည်အားဖြင့် ဆက်စပ်ကာ ဦးတည်လှုပ်ရှား သွားကြရပေမည်။ ဤ ကွင်းများ ပြတ်သွားလျှင် အမျိုးသား အင်အား တည်ဆောက်ရေးမှာ ပျက်ပြား ယုတ်လျော့ သွားမည်သာ ဖြစ်ပေသည်။ ပြည်သူ့အာဏာစက်နှင့်လည်း ဝေး၍ ဝေး၍ သာ သွားမည် ဖြစ်ပေသည်။

ကျွန်တော်တို့သည် အနောက်တိုင်း ပန်းချီကိုသာမက အရှေ့တိုင်း ပန်းချီတို့ကိုလည်း လေ့လာသင့်ပေသည်။ အထူးသဖြင့် အိမ်နီးနာချင်း နိုင်ငံများ၏ ပန်းချီတို့ကို လေ့လာသင့်ပေသည်။ အရှေ့ အနောက် ခွဲခြားဖော်ပြရာ၌ အရှေ့နှင့် အနောက် ပန်းချီပညာမှုမှာ အနုပညာ ပုံသဏ္ဍန်တို့တွင် မတူကြသောကြာင့် ဖြစ်ပေသည်။ ကျွန်တော်တို့၏ ရိုးရာပန်းချီမှာ အရှေ့တိုင်း အမျိုးအနွယ် ဖြစ်ပေသည်။

အနောက်တိုင်း ပန်းချီနည်းနာများကို မသုံးရဟု မဆိုလိုပေ။ အနောက်တိုင်းနည်းနာသည် တကမ္ဘာလုံး ပျံ့နှံ့လျက်ရှိသည်ကို တွေ့ရသည်။ သို့သော် မိမိတို့၏ အမျိုးသား ပုံသဏ္ဍန်ကိုလည်း ထိမ်းသိမ်းထားရပေမည်။ အမျိုးသား ပုံသဏ္ဍန်ပေါ်မှ အခြေခံလျက် ပြည်သူ့လိုအပ်ချက်နှင့်အညီ ဖွံ့ဖြိုး တိုးတက်ကြရန် ဖြစ်ပေသည်။

အနောက်တိုင်း အရင်းရှင် အနုပညာ သဘောရေးဆရာများက 'ကမ္ဘာသုံးဝါဒ' ဟူ၍ အရင်းရှင် နယ်ချဲ့ ယဉ်ကျေးမှုတို့ကို သွတ်သွင်းလေ့ ရှိကြသည်။ ယင်းကို သတိပြုအပ်ပေသည်။

ယနေ့ ခေတ်သစ်သည် ကျယ်ပြန့်လျက် ရှိသည်။ ကျဉ်းမြောင်းသော လူမျိုးရေး ဘောင်အတွင်း၌သာလျှင် ကုပ်ကပ်ကာ တသီးတခြား နေရန် မဟုတ်ပေ။ ယဉ်ကျေးမှုရေးရာ၌ ကူးလူးဆက်ဆံမှုကြောင့် အပြန်အလှန် သြဇာသက်ရောက်ခြင်းများ ရှိနိုင်သည်။ ယနေ့ ခေတ်သစ် ပန်းချီ၌  အရှေ့တိုင်း နည်းနာပင် ဝင်ရောက် သြဇာသက်ဝင်လျက် ရှိသည်ကို တွေ့ရပေသည်။ (ကောက်ကြောင်းသဘောများ ကဲလာခြင်း၊ မျက်မြင်အကွာ အဝေးသဘော မဲ့လာခြင်း)

ယနေ့ မြန်မာပန်းချီ လောက၌ အမျိုးသား အနုပညာ ပုံသဏ္ဍန် ပြန်လည်ဆန်းသစ်ရေး၊ ရှာဖွေရေး၊ အကြောင်းအရာ ရွေးချယ်ရေးတို့သည် ပြဿနာများ ဖြစ်ပေသည်။ အမျိုးသား အနုပညာပုံသဏ္ဍန်ကို မည်သည့်နေရာ၌ လေ့လာရမည်နည်း။ အင်ဗွိုင်းခန်းမ ပန်းချီပန်းပု ပြပွဲတို့၌လော၊ မဂ္ဂဇင်း စာအုပ်များ၌လော၊ မြို့ပြ၌လော၊ တောကျေးလက်၌လော၊ ဘုရားပုထိုး ကျောင်းသင်္ခမ်း တို့၌လော၊ ဘုန်းကြီးပျံ၌လော၊ တောဘုရားပွဲ၌လော။

ဆီဆေး မင်ဗူး ဖြင့်လော၊ ဟင်္သပြဒါး၊ မြေနီမြေဝါ၊ မဲနယ်၊ ဒုဌာတို့ဖြင့်လော။

ဧည့်ခန်းဆောင် လှပရေးအတွက်လော၊ လူထုလှုပ်ရှားမှု လှုံ့ဆော်ရေးအတွက်လော။

လူတန်းစားတိုက်ပွဲ ရှိနေသကဲ့သို့ပင် ဤ ပဋိပက္ခများသည် ရှိနေပေသည်။ ယင်း ပဋိပက္ခများ၏ ညီညွတ်ရေးသည် ပန်းချီသစ်တရပ် ဖြစ်ပေသည်။ ယနေ့ နိုင်ငံရေး ပြဿနာသည် ယနေ့ အနုပညာ ပြဿနာ ဖြစ်ပေသည်။

(၃)

ယခု ပေါ်သစ်၏ 'အလှရှာတော်ပုံ' စာအုပ်သည် ယနေ့ ပန်းချီအနုပညာ ပြဿနာများကို ကြည့်မြင်ရာ၌ အထောက်အကူပြုသော ပညာရေး စာအုပ် ဖြစ်ပေသည်။

အနုပညာ သဘောတရားရေးနှင့် ကမ္ဘာ့ပန်းချီ ရာဇဝင် နောက်ကား ခံကာ မြန်မာ ပန်းချီရာဇဝင်ချုပ်နှင့် ယနေ့ ပန်းချီပညာ ပြဿနာများကို ပြည့်စုံစွာ ဖော်ပြထားပေရာ ပန်းချီအနုပညာ အကုဖြတ်မှုများ၏ လက်စွဲ ဖြစ်သင့်ပေသည်။ ယဉ်ကျေးမှု အင်အားဖြည့်တင်းရေး၌ ပြည်သူဘက်မှ အားတအား ဖြစ်စေသတည်း။

[ဒဂုန်တာရာ ရေးတဲ့ ပေါ်သစ်စာအုပ်အမှာ၊ ၁၉-၆-၆၇]

သခင်ကိုယ်တော်မှိုင်းနှင့် နေရခဲ့သောရက်များ

၁)

၁၉၆၇ ဖေဖော်ဝါရီလ ၅ ရက်၊ အင်းစိန်မှထွက်လာသော ဒတ်ဆန်းကားသည် ကြည့်မြင်တိုင်၊ လမ်းမတော် စသည့်ရပ်ကွက်များ၌ လူအချို့ကို ချခဲ့ပြီးနောက် ဘုရားလမ်းသို့ ကွေ့လိုက်လေသည်။

သစ်ပင်၊ တိုက်တာ၊ အိမ်ယာ၊ ဈေးဆိုင်၊ လူများ၊ ကားများသည် ပန်းရောင် မြူမင်းလွင်အောက်၌ ယိမ်းထိုးနေကြသည်။ ပြာသိုလမို့ မြူရိပ်မစင်၊ နှင်းငွေ့ကျန်၊ ကတ္တရာစေး လမ်းမကြီးမှာ ဖဲကြိုးအနက်ခင်းထား၍ ကားကွေ့လိုက်သောအခါ တွန့်သွား၏။ ကောင်းကင်ပြာ ထဲမှ ရွှေဝါရောင် ကြယ်ပွင့်ကြီးမှာ ကြီးလှပါကလား။ ဆေးရုံကြီးဝင်းထဲ၌ ဆေးသုတ်ထားသော ကစားစရာ သေတ္တာခွံကြီး ဘယ်တုန်းက ရောက်နေပါလိမ့်။ သံပတ်ပေးထားသော မိန်းမရုပ်များ သည် တတောက်တောက် ခုတ်မောင်းနေကြ၏။ ကစားစရာ စက်ရုံမှ ပုံစံထုတ်ဆရာမှာ ကုလားသွေးပါသည်ထင့်၊ မှားယွင်း၍ ၀ါသော၊ ဖြူသော၊ မဲသော၊ ကွက်သော ဗိုက်သားတို့ကို ဖော်ပေးထားကြ၏။ ဖဲပြားအနက်ကြီးသည် တွန့်ကာ ချိုင့်သွား၏။ သစ်ကိုင်းများသည် ကျွန်တော့်ကို လာ၍ ထိခတ်သည်။ ခြင်္သေ့ကြီး ၂ ကောင်သည် လည်ဆံမွေးထလျက် ကျွန်တော့်ထံ ပြေးလာလေပြီ။ အလို....။

'ဖြေးဖြေးမောင်းပါဗျာ'

ကားမောင်းပို့သူ စစ်ဗိုလ်သည် ပြုံးမြမြလုပ်နေ၏။ ကားအရှိန်သည် အနည်းငယ် လျော့လာသည်။

မဟာရွှေစေတီကြီးမှ ရွှေရောင်သည် မြင်ကွင်းကို လာ၍ ရိုက်လိုက်သည်။ စိမ်းသော သစ်ကိုင်းများသည် ငုံ့မိုးညွတ်ကိုင်းနေရမှ အပေါ်သို့ ပြန်တက်သွားကြလေပြီ။

လမ်း၏ လက်ဝဲဘက်မှ ဆရာကြီး မဟာသခင်ကိုယ်တော်မှိုင်း၏ဂူကို လှမ်းမြင်လိုက် ရသည်။ စောစောက သွေးအားနည်းနေသဖြင့် မူးဝေသော ဝေဒနာသည် လွင့်သွားလေပြီ။ ကျွန်တော့်ရင်သည် တဒိတ်ဒိတ် ခုန်လာသည်။ ဖြူသော ကျောက်ဖြူဂူကြီးသည် မားမားကြီး ရပ်တည်လျက်၊ လေးဒေါင့်တိုင်ကြီးများသည် ကျွန်တော့်အား သူ့လိုမတ်ရန် အားစွမ်းကူး ပေး လိုက်သည်။ မျက်နှာစာမှ စာအုပ်၊ ဒေါင်း၊ ချိုးဖြူ၊ တူတံစဉ် အထိမ်းအမှတ် သဏ္ဍာန်ကို ဖျတ်ခနဲ မြင်ရင်း၊ ဖျန်းကနဲ၊ ဖျန်းကနဲ မွှေးညင်းတို့ ထောင်ကာ၊ သွေးတို့သည် နှလုံးသည်းပွတ် အကြောတလျောက် စီးဆင်းလာကုန်သည်။ ရင်တဒိတ်ဒိတ် ခုန်လာပြန်သည်။ ကဗျာ၊ အမျိုးသားလွတ်မြောက်ရေး၊ ငြိမ်းချမ်းရေး၊ အလုပ်သမား၊ လယ်သမားတို့၏ ပြည်သူ့အာဏာ ရရေး။

ကျွန်တော်သည် ရင်ခုန်သံဖြင့် ဆရာကြီးသခင်ကိုယ်တော်မှိုင်းအား အလေးပြုရင်း၊ ကားသည် ဆက်မောင်းနှင်သွားသည်။ ရွှေတိဂုံစေတီတော် ပြသဒ်တန်ဆောင်များသည် တရိပ်ရိပ် နောက်တွင် ကျန်ရစ်ခဲကြပေပြီ။ ကျွန်တော့်အာရုံထဲတွင် အလုပ်သမား၊ လယ်သမား လူထုကြီးသည် သိင်္ဂုတ္တရကုန်းမြေသို့ ချီတက် စုဝေးနေကြသည်။ အတိတ်မှ အသံများ ပဲ့တင်ထပ်လာသည်။ ၁၃၀၀ ရာပြည့် အရေးတော်ပုံမှ အသံများ၊ နယ်ချဲ့အစိုးရ ကျဆုံးပါစေ၊ ဓနရှင်စနစ် ပျက်စီးပါစေ၊ သူပုန် သူပုန် ထထ၊ မီးဒုတ် မီးဒုတ် ရှို့ရှို့၊ အရေးတော်ပုံ အောင်ပါစေ၊ ဗဟန်းမြေမှ သစ်ပင်တို့ကို တရိပ်ရိပ် ဖြတ်သန်းခဲ့သည်။ ကန်တော်ကြီး ရေပြင်သည် လှိုင်းတံပိုးတို့ဖြင့် ရုန်းရင်းဆန်ခတ် ဖြစ်နေကုန်ကြသည်။ ဖဆပလ ခေတ်က ပြည်ထောင်စု ကလပ် အဆောက်အဦသည် ရိပ်ကနဲ နောက်တွင်ကျန်ရစ်သည်။ ဘိလိယက် ဘောလုံးချင်း ထိသံ၊ မာကျောက်ဖဲမွှေသံ၊ အငြိမ့်မင်းသမီး ညုသံ၊ မူရာသံ၊ ပူဆာသံ၊ ဖန်ခွက်ချင်းထိသံ၊ ရေစီးသံ၊ အော့သံ၊ အံသံ။

ကားသည် တရိပ်ရိပ်ပြေးလျက်ရှိသည်။ ကားသည် ကျိုက္ကစံကို ကွေ့လိုက်သည်။ မြင်းပြေးသံ၊ ဘရင်လေးကွ အော်သံ၊ ဟစ်သံ၊ ကျွန်တော့်နားထဲတွင် အသံဘလံ အားလုံးတို့သည် ရောယှက်စီညံနေသည်။ ဤရာဇ၀င် ကားချပ်များသည် တခုနှင့်တခု ဇောက်ထိုး ပြောင်းပြန်ထပ်ကာ နောက် ကစဥ့်ကလျား ဖြစ်သွားကြသည်။

ကျွန်တော်ကား ရင်တဒိတ်ဒိတ်ခုန်လျက်၊ ဆရာကြီး သခင်ကိုယ်တော်မှိုင်း၏ ကဗျာ တေးသံသည် ရာဇ၀င်အာရုံ အားလုံးကို လွှမ်းမိုးလိုက်သည်။

'ကောင်းကျိုးအထွေထွေရယ်နဲ့

ချွန်စေ မြစေသော

ဒေါင်းအိုးဝေရယ်နဲ့

တွန်စေ ကစေသော.......'

(၂)

ကျွန်တော် ဆရာကြီးသခင်ကိုယ်တော်မှိုင်းကို စတွေ့ကြုံကာ သိကျွမ်းရသောအခါ ကျောင်းသားဘ၀ အသက် (၂၀) အရွယ်က ဖြစ်သည်။ ထိုအခါက ဆရာကြီးမှာ အသက် (၆၅) အရွယ် ဖြစ်လေရာ၊ ကျွန်တော့်ထက်များစွာ ကြီးသည်။

ကျွန်တော်သည် ဆရာကြီး ကဗျာ၊ ဋီကာ၊ ဂဏ္ဍိ စသော စာများကို ဖတ်ခဲ့သည်မှာ ၇-၈ တန်း ကတည်းက ဖြစ်သည်။ ဆရာကြီး၏ စာများကို လယ်တီပဏ္ဍိတဦးမောင်ကြီး၏ ၀တ္ထုများလောက် မစွဲငြိခဲ့။ ထိုအခါက အနုအယဉ်၊ အနွဲ့အပျောင်းတို့ကိုသာ တပ်မက်ခဲ့၏။ ကျွန်တော့်မှာ အိမ်တံစက်မြိတ်မှ မထွက်ခဲ့။ ပန်းပွင့်များသာ အလှဟု ထင်လျက်ရှိသည်။ ငွေလရောင်သည် ကမ္ဘာကြီးဟု အောက်မေ့ခဲ့၏။

၁၉၃၆- ကျောင်းသားသပိတ်ပြီးသောအခါ ဆရာကြီး၏ ဒေါင်းဋီကာကို ရှာဖွေရမှန်း သိလာပေပြီ။ ဘွိုင်းကောက်ဋီကာ စာအုပ်ကို လိုက်ရှာလာပေပြီ။ ကျောင်းသားသပိတ် အတွေ့ အကြုံသည် ကျွန်တော့်အား ဆရာကြီးထံပါးသို့ ပို့ဆောင်လိုက်ပေပြီ။

'သြ....... ဝေးခရီးကပေမယ့်

အရေးကြီးလျင်ဖြင့်

သွေးနီးရာပါစမြဲပေမို့

.............................

ထီမထင် ကျောင်းတော်သားတွေရဲ့

အမည်အစဉ်မှ ခေါင်းအပေါ်ဖျားမှာလ

မင်းရို့ဆရာကို

စာရင်းတို့ကာသာထားလိုက်ကြပေတော့'

လူထုလှုပ်ရှားမှုထဲမှ ထွက်လာသော ဆရာကြီး၏ တေးသံကို ခံစားရမှန်း သိလာပေပြီ။

ဆရာကြီးသည် အခန်းတံခါးကို ပိတ်၍ ကဗျာရေးသူလော၊ မဟုတ်ပေ။ ဗဟန်းကောလိပ် (၀ါ) အမျိုးသားတက္ကသိုလ်၌ မြန်မာစာပေ၊ ရာဇ၀င်ပါမောက္ခအဖြစ် နယ်ချဲံဆန့်ကျင်ရေး၊ ပညာရေးသူပုန် ပါမောက္ခလုပ်နေသည်။ ထို့ကြောင့်သာ မင်းရို့ဆရာကို စာရင်းတို့ကာ ထားလိုက်ဖို့ မှာကြားခဲ့ခြင်း ဖြစ်သည်။

ထိုအခါ ဆရာကြီး စိတ်ကူးရည်မှန်းချက်ထဲ၌

'မြှောက်လိုက်မကွယ့်

မောက်လိုက် မဟဲ့လို့

ဆောက်လိုက်မဲ့ ယူနီဗာစီတီတွေအများ'

စသည်ဖြင့် နယ်ချဲ့ဆန့်ကျင်ရေး၊ အမျိုးသားတက္ကသိုလ်များကို တမ်းတခဲ့ပေသည်။

ထိုအခါက ၁၉၀၀ ကျော် ဗုဒ္ဓဘာသာကလျာဏယုဝ အသင်းများ စတင်ဖွဲ့စည်းကာ ညီညွတ် စည်းလုံးလာခဲ့သော အမျိုးသားအင်အားကြီး (၀ံသာနု)သည် ၁၉၂၀ ပထမ ကျောင်းသား သပိတ်၌ တံခွန်စိုက်ခဲ့သည်။

ထိုအခါ နယ်ချဲ့သမားက ဒိုင်အာခီအုပ်ချုပ်ရေးဖြင့် ငါးထောင်စား ၀န်ကြီးရာထူးများပေး ကာ အမျိုးသားညီညွတ်ရေးအင်အားကို ဖြိုခွဲလိုက်လေသည်။ ဂျီစီဘီအေ ခေါ်သော မြန်မာ အသင်းချုပ်ကြီးမှာ ဆက်လက်၍ ရာထူးသပိတ်မှောက်ကာ ကိုလိုနီဆန့်ကျင်သောအပိုင်းနှင့် ရာထူးယူပြီး 'အတွင်းဝင်ပူးသတ်ရမည်' ဟုဆိုသော စေ့စပ်ရေး အပိုင်းဟူ၍ ၂ ခြမ်းကွဲသွား လေတော့သည်။ (လှိုင်ပုကျော်ဂိုဏ်း နှင့် ၂၁ ဦး) ယင်းသို့ ညီညွတ်ရေး ပြိုကွဲသောအခါ ဗဟန်း ကောလိပ်သည်လည်း ပျက်ရလေတော့သည်။ ထိုအခါ ဆရာကြီးက.....

'လှိုင်-ပု-ကျော် သပိတ်သမားတွေရဲ့အပြင်

ပဋိက္ကရား နှူးကာနှပ်သလိုပ

နှစ်ကျိပ်တပါး မူးလျာမတ်တွေကလဲ

ပူးကာသတ်မယ် ကောင်စီဝင်လို့မို့

အနှောင်ပြည်အင် ကွဲရှာသနေ့ရယ်က

တကောင်ကောင်ထီမထင်

ဇွဲမာမာနဲ့ဝှေ့ကြလေတော်......'

-ဟု ညီညွတ်ရေးပျက်ပြားမှုကို ဒေါသဝေဒနာ ခံစားခဲ့ လေသည်။

၁၉၃၀-၃၁ ၌ ရာဇ၀င်မြောက်သော ဂဠုန်ဆရာစံ၏ တောင်သူလယ်သမား လက်နက်ကိုင် သူပုန်ကြီး ပေါ်ပေါက်လေသည်။ ဆရာကြီးသည် ယင်း လယ်သမား သူပုန်ကြီး အား......

'ရဂုံစံ ချစ်စရာတပည့်တို့မှာဖြင့်

ဥုံအရဟံ သစ္စာဂတိတွေနှင့်

ဂဠုန်သရဏံဂစ္ဆာမိကြပေတော့'

ဟု အလေးပြုခဲ့ပေသည်။

လယ်သမား သူပုန်ကြီးပြီးနောက် တို့ဗမာ အစည်းအရုံး ပေါ်လာရာ၊ ဆရာကြီးသည် ရေနံချောင်း သခင်ညီလာခံသို့ တက်ရောက်ကာ 'မစ္စတာမောင်မှိုင်း' အမည်စွန့်၍ 'သခင်' အမည် ခံလိုက်လေသည်။

'တို့ဗမာတခွင် သခင် ထိုအကျော် အမော်ဂိုဏ်းတွင်ဖြင့်

မျှိ့ ရတနာသဘင် အကြင်ဗြဟ္မစိုရ် ဇော်ကသိုဏ်းတွေနှင့်

ပလ္လင်ဗဟိုတနှိုင်းပေပ ဇမ္ဗူသမိုင်းပျော်စရာအခြေ

အိုကွယ်..... သခင်ကိုယ်တော်မှိုင်းရယ်လို့ လူတိုင်းခေါ်ကြစေ.....'

၁၃၀၀- ပြည့် အရေးတော်ပုံဟု ထင်ရှားသော ၁၉၃၈-၁၉၃၉ အထွေထွေသပိတ်ကြီးမှာ အလုပ်သမား၊ လယ်သမား၊ ကျောင်းသား၊ ပညာရှင်တို့ လက်တွဲသော ပြည်သူ့အာဏာခေတ် သို့ ဦးတည်သော လူထု လှုပ်ရှားမှုကြီးဖြစ်ရာ တို့ဗမာ အစည်းအရုံးနှင့် ကျောင်းသားသမဂ္ဂသည် တော်လှန်ရေးတပ်ဦး ဖြစ်လာသည်။ ဆရာကြီးသည် ယင်း နယ်ချဲ့ ဆန့်ကျင်ရေး အင်အားဘက်မှ မားမားမတ်မတ် ရပ်ခဲ့ပေသည်။

'သြော်.... အထက်နဂိုက

ပျက်ပြိုလို့ကျခဲ့တဲ့

ကနက်ဗဟိုပလ္လင် လက်စအကြွင်းပေထင့်

တက္ကသိုလ်သဘင် သမဂ္ဂအသင်းဆီက

....................................

အိုကွယ် တက်မဟ အတင်းဟေ့လို့

အကွက်ကျကျ နင်းနင်းပြီး

ခက်သမျှရှင်းပေမည့်

သတင်းဒေါင်းအိုးဝေ'

ကျွန်တော်သည် ဆရာကြီး၏ ကဗျာများကို ခံစားရမှန်းသိစ၊ ၁၃၀၀ ပြည့်အရေးတော်ပုံ အတွင်း၌ ဆရာကြီးနှင့် သိကျွမ်းလာခဲ့ရသည်။ ဆရာကြီးမှာ ကျွန်တော်တို့ဘက်က ပါကလား ဟူသော အသိသည် ဆရာကြီး၏ ကဗျာကို ခံစားရမှန်း သိစေသည်။

(၃)

ဆရာကြီး သခင်ကိုယ်တော်မှိုင်းသည် အမြဲတမ်း ခေတ်အဆက်ဆက်တိုင်း တော်လှန်ရေး ဘက်ကသာ နေသည်။

ကျွန်တော်တို့ မီသော တို့ဗမာ အစည်းအရုံး နှစ်ခြမ်းကွဲခေတ်၌ ဆရာကြီးသည် တော်လှန်သော ဂိုဏ်းဘက်က ရပ်တည်ခဲ့သည်ကို သတိရသေးသည်။

ဆရာကြီးသည် ဖောက်ပြန်သည့်ဘက်ကို ကဲ့ရဲ့ရှုတ်ချ၍ တော်လှန်ရေးဘက်ကို ချီးကျူးဂုဏ်ပြုသည်။ ဤကား ဆရာကြီး၏ အနုပညာဝါဒ ဖြစ်သည်။

ဝံသာနု လှုပ်ရှားမှု တိုးတက်နေစဉ်က......

'သြော်...... ပြေအမှုပေမို့

ငွေခရုငယ်နှင့်

ဇေယျတုပါကွယ့်

သပြေနုချိန် တင်ရန်ပန်းတွေကလဲ များပါဘိသနှင့်

ဖေပုရှိန် အင်္ဂလန်နန်းမြေသွားတို့မှာဖြင့်......'

ဟု ဘိလပ်သွားအဖွဲ့ကို ဂုဏ်ပြုခဲ့သည်။ သို့သော် ယင်း ၀ံသာနုအဖွဲ့ပင် ဒိုင်အာခီ ရာထူးပေးကာ နယ်ချဲသမားနှင့် စေ့စပ်ပူးပေါင်းသွားသောအခါ....

'ခွေးရူးပြန် မသာ၏ အလောင်းလိုပ

အခါအလှည့် မကောင်းစေဘို့

အစားချောင်စရာကြံ

မယားတောင်ညာခံတွေနှင့်

စံသည်တကား

အိုကွယ်... ငါးထောင်သပြာစားမာန်ရယ်နှင့်

မာန်ဖီဖီပွါး'

ဟူ၍ ဖောက်ပြန်သည့်ဘက်ကို ရှုတ်ချခဲ့ပေသည်။

ဂျပန်ခေတ်၌ကား ကျွန်တော်သည် ဆရာကြီးနှင့် နီးနီးကပ်ကပ် နေခွင့်ရခဲ့သည်။ တို့ဗမာအစည်းအရုံး ဥက္ကဌဟောင်း သခင်တင်မောင်နှင့်အတူ သွားတက်ကာ တခါတရံ ဆရာကြီး၏ အိမ်မှာပင် ညအိပ်ရသည်။ နေ့လယ်နေ့ခင်းတွင် ဆရာကြီး၏ လက်ဖက်ဝိုင်း၌ ထိုင်မိကာ စာပေရေးရာ၊ နိုင်ငံရေးရာ ရှေးဟောင်းနှေင်းဖြစ်များကို ကြားနာခဲ့ရသည်။ ဆရာကြီးမှာ အသက်ထင်ရှားရှိနေသော အမျိုးသားလွတ်မြောက်ရေး ရာဇ၀င် ဂန္ထ၀င် ကျမ်းကြီးတဆူ ဖြစ်ပေသည်။

ဆရာကြီးသည် ဖက်ဆစ်ခေတ် အတွေ့အကြုံကို.....

'ကြမ္မာဝေဖန် ကောက်ကျစ်တဲ့ အကျိုးပေထင့်

မဟာရွှေဂျပန် စောက်ကျင့်ဆိုးသော်လဲ

ပဂိုးငရမန် ပုဂံမှာ မှားသလိုပ

သြော်.... ရှေးရဲ့အဖို့မှာတော့

ဘုရင် အကျော်အမော် ဧကရာဇ်တပါးပေပေါ့

အို... အဓိပတိကြီးရဲ့

အေးစဖွဲ့ အရေးနွဲ့ရှာသနဲ့

သြော်.... တွေးတဲ့လို့ တင်နော်ဟေကာသနား။

(၀ါ) တနည်းတထွေမှာတော့

နေမျိုး နေမျိုး သဝေထိုးလေပြီတကား'

စသည်ဖြင့် ဟာသဥာဏ်ဖြင့် သရုပ်ဖော်ထားပေသည်။ လွတ်လပ်ရေး ရသောအခါ ဆရာကြီးသည်.....

'လောကသမားပီပီ သခင်တပဲ့တွေနဲ့

အတွင်လှဲ့ကာ တောင်ခြေကဆင်းပြီး

အောင်မြေနင်းပါလို့

အပင်းအဆိပ် စားသကဲ့သို့သော

အင်္ဂလိပ်များကို ဂျောင်းလကွာ ဂျောင်းလကွာနှင့်

မောင်းကာ ထုတ်လိုက်သမို့

အဟုတ်ပင် တကယ်လွတ်သော်လဲ

ဘယ်ဝဋ်ဖန်သာ ကံကြမ္မာပေးလေဘိ

သြော်... အင်္ဂလန်က၊ ယခင်အဖန်ဖန်

တင်ပြန်တယ်ဆိုတဲ့ ကြွေးတွေရဲ့အပြင်

ငွေမရှိပြန်လျှင်၊ အမေရိကန်ထံချေးရတဲ့

ကြွေးမျိုးစုံ ကုဋေကုဋာဖြင့်

ပြေရွာမှာ သေတာလောက် မကောင်းချိန်မို့....'

စသည်ဖြင့်.... နိုင်ငံရေး အရ လွတ်လပ်သော်လည်း စီးပွါးရေအရ မလွတ်လပ်ပုံကို နားလည်ပေသည်။

လွတ်လပ်ရေးရပြီး ပြည်တွင်း မငြိမ်းမချမ်း ဖြစ်သောအခါ ဆရာကြီးသည် ငြိမ်းချမ်းရေး ဗိသုကာ ဖြစ်လာတော့သည်။ ပြည်တွင်းငြိမ်းချမ်းရေး၊ ကမ္ဘာ့ငြိမ်းချမ်းရေး အဖွဲ့အစည်းတို့၌ ဦးစီဦးကိုင် ဖြစ်လာပေသည်။

ပြည်တွင်း မငြိမ်းမချမ်း ဖြစ်သည်နှင့် ပတ်သက်၍ ဆရာကြီးက......

'တို့ဗမာ သခင်ဗဟိုဝယ်

တို့သာလျှင် တဗိုလ်ကျမဟဲ့ဆိုတဲ့

အလိုမငယ် ဆိုရှယ်လစ်ကယ်နှင့်

တံခွန်တလူလူ ကွန်မြူနစ်ကယ်တို့

မချစ်သာ မေတ္တာကင်းပြန်သနဲ့

အချင်းချင်းပင် တငြင်းထဲ ငြင်းငြင်းပြီး

မင်းပွဲအတုမှာ ထမင်းခဲလုကာလယ်မျိုခဲပါလို့

ပွဲချင်ပြီး အသေအကြေ၊ တအူအူအသံဗလံနှင့်

တဆူဆူ တညံညံကိုက်ကြ၊ တိုက်ကြ၊ မိုက်ကြတော့.......'

စသည်ဖြင့် တို့ဗမာ သခင်ခေတ်က တပည့်ကျော်များအား ကရုဏာဒေါသော ဖြစ်ရပြန်လေသည်။

(၄)

၁၃၀၀- ပြည့် အရေးတော်ပုံမှ စ၍ ၁၉၆၃- အထိ အနှစ်အစိတ်လောက်သော ကာလအတွင်း ကျွန်တော်သည် ဆရာကြီးသခင်ကိုယ်တော်မှိုင်း ထွန်းညှိခဲ့သော မီးရှူးတန်ဆောင် လင်းပြရာ လမ်းမ၌ လျှောက်ခဲ့ရပေသည်။ ဆရာကြီး၏ လက်ဖက်ဝိုင်း၌ စကားနာသူ၊ ကမ္ဘာ့ငြိမ်းချမ်းရေး အဖွဲ့အစည်းဥက္ကဌ ဆရာကြီး၏ လက်ထောက်၊ နိုင်ငံခြားသို့ အစည်းအဝေးတက်၊ မိတ်ဆက်ချစ်ကြည်ရေးခရီး အတူသွားရသူ၊ မြစ်ဝကျွန်းပေါ်နှင့် အညာတခွင် ငြိမ်းချမ်းရေး ခရီးစဉ်၌ အတူပါရသူ၊ စသည်အားဖြင့် ဆရာကြီးထံပါး၌ နေခဲ့ရသည်။

ထိုအခါ ဆရာကြီးသခင်ကိုယ်တော်မှိုင်းဟူသော ပုဂ္ဂိုလ်ကို နာလည်ကာ ခင်လာပါတော့သည်။ ထိုပုဂ္ဂိုလ်ကား ပြည်သူ့ခေါင်းဆောင် ပြည်သူ့ကဗျာဓိရ်ကြီး ဖြစ်သည်။ ထိုအခါ ဆရာကြီးသခင်ကိုယ်တော်မှိုင်း၏ ကဗျာတရားတို့ကို မင်လာပါတော့သည်။ ပုဂ္ဂိုလ်နှင့်တရားကို တခြားစီ ခွဲ၍ မရပါ။ ရှင်းပါအံ့။

ကျွန်တော်တို့၏ အမျိုးသားလွတ်မြောက်ရေး လှုပ်ရှားမှု၌ တော်လှန်ရေး အကွေ့များကို ဖြတ်ကျော်ခဲ့ကြရသည်။ တကွေ့တကွေ့တွင် ခေါင်းဆောင်မှုပိုင်း၌ ဖောက်ပြန်ရေး၊ စေ့စပ်ရေးအစုနှင့် တိုးတက်သော တော်လှန်သောအစုတို့ လမ်းခွဲသောအခါတိုင်း ဆရာကြီးသည် တိုးတက်သော တော်လှန်သောဘက်က ရပ်တည်သည်။ ထိုအခါ ဆရာကြီးသည် ကဗျာဖြင့် ဖောက်ပြန်သည့် ဘက်ကို ရှုတ်ချကဲ့ရဲ့ကာ တိုးတက်သည့်ဘက်ကို ဂုဏ်ပြုသည်။ ထိုအကွေ့၌ ဖောက်ပြန်ရေးသမားများကို ထားရစ်ခဲ့ကာ တော်လှန်ရေးသမား များနှင့် လက်တွဲ၍ ဆက်လက်ချီတက်သွားသည်။

ထို့အတူ နောက်တကွေ့တွင်လည်း ယခင်တကွေ့တုန်းက တိုးတက်ခဲ့သော ခေါင်းဆောင်မှုသည် ဖောက်ပြန်လာသောအခါ သူတို့ကိုလည်း ထားရစ်ခဲ့ရပြန်ကာ တော်လှန် ရေး အင်အားသစ်ဘက်နှင့် လက်တွဲဆက်လက် ချီတက်သွားပြန်သည်။

ထို့ကြောင့် ဆရာကြီးအား အမြဲတမ်း တိုးတက်သည့်ဘက်၊ တော်လှန်သည့်ဘက်တွင် မြင်နေရခြင်း ဖြစ်သည်။ ထို့ကြောင့်ပင်လျှင် ဆရာကြီးနှင့် ၀ံသာနုခေတ်က လုပ်ဖော်ကိုင်ဖက် အသက် ၈၀ ကျော်အရွယ် ခေါင်းဆောင်အိုကြီးများမှာ သူတို့၏ ရာဇ၀င်ခန်းကုန်၍ နောက်တွင် ကျန်ရစ်ခဲ့စဉ် ဆရာကြီးမှာ အသက် ၁၄- ၅ နှစ် တက်သစ်စ တိုးတက် တော်လှန်သော ကျောင်းသားလူငယ်များနှင့် လက်တွဲလျက် ရှိနေပေသည်။

ဘာကြောင့် ဆရာကြီးသည် ခေတ်တိုင်း ခေတ်တိုင်း တိုးတက်သော၊ တော်လှန်သော အင်အားသစ်များ၏ နာယကကြီး ဖြစ်နေရသနည်း။

ဆရာကြီး၏ လုပ်ငန်းစဉ်မှာ ရှင်းသည်။ ဆရာကြီးသည် အမြဲတမ်း အဖိနှိပ်ခံ ပြည်သူ့ဘက်က နေခြင်းဖြစ်သည်။ ဖိနှိပ်သော လူတန်းစားဘက်၊ အုပ်စိုးသောဘက်က ဆရာကြီး ဘယ်တော့မှ မနေ။

တချိုက ဆရာကြီးကို 'ခေါ်ယင်လိုက်တာဘဲ၊ ခေတ်မမီတော့ဘူး၊ အတိုက်အခံ နိုင်ငံရေးပါတီတွေက အသုံးချနေတာ' ဟု ယူဆကြသည်။

ကျွန်တော်က ဤကဲ့သို့ မမြင်။

ဆရာကြီးသည် အံ့သြဘွယ်ရာ ကောင်းလောက်အောင်ပင် ပါးသည်။ ထက်မြက်သည်။ အခြေအနေကို သိမြင်နေသည်။ အဖိနှိပ်ခံဘက်က ခေါ်လျှင်သာ လိုက်သည်။ တိုးတက်သော ဘက်၊ တော်လှန်သောဘက်၌ အမြဲတမ်း တည်ရှိသော ဆရာကြီးထက် မည်သူက ခေတ်မှီဦးမည်နည်း။

ဆရာကြီးအား နိုင်ငံရေးပါတီများက အသုံးချသည်ဟူသော ထင်မြင်ချက်နှင့် ပတ်သက်၍ ဆရာကြီး၏ စေတနာမှာ မှတ်သားဖွယ်ကောင်းလှ၏။ တခါက ဆရာကြီးသည် ကွမ်းစားရင်း 'ဟေ့ တာရာ၊ ဆရာ့ကို အသုံးချတယ် ဘာတယ် ညာတယ် ပြောကြတာ ဆရာသိသားဘဲ၊ ဒီမယ် တာရာ ရ၊ ငြိမ်းချမ်းရေးအတွက်ဆိုရင် ဆရာ့ကို အသုံးချကြစမ်းပါ ဆရာခံ ပါ့မယ်'

ကျွန်တော့်မှာ ဆရာကြီး၏ စကားများအတွက် ရင်ထဲတွင် ကြေကွဲ ထိခိုက်မိလာသည်။

ဆရာကြီးသည် အခြေအနေနှင့် ဘယ်တော့မှ မကင်းကွာ၊ အမြဲတမ်း နောက်ဆုံး အခြေအနေကို သိပြီး ဖြစ်နေသည်။

ဆရာကြီးသည် ရှုပ်ထွေးပွေလီသော၊ မဲနက်သော နိုင်ငံရေး ၀င်္ကပါများကို သိသည်။ ဆရာကြီး၏ နိုင်ငံရေး အတွေ့အကြုံကား ကျွန်တော်တို့၏ အမျိုးသားလွတ်မြောက်ရေး သမိုင်း လောက် သက်တမ်းရင့်သည် မဟုတ်လော။ ဆရာကြီးသည် တခါတရံ.......

'သြော်.... သက္ကရာဇ်ကယ်နှင့်

အသက်စစ်လိုက်တော့

သက်ရှစ်ဆယ် တခုယုတ်အတွင်းတွင်မှ

သြော်... တက်ခေတ် တက်ခေတ်နှင့်

တဖက်ဖက် ညစ်ချင်တဲ့

ဖက်ဆစ်သဖွယ် ယခုတသုတ်မင်းတွင်ဖြင့်

အပြု ကျွန်ပ်မကင်းသူတွေနဲ့

ဘုရားထဲ တရားပွဲသဘင်

(အိုကွယ်) ဘသူ့အရှုပ်အရှင်းကိုမှ

ကြားလဲ မကြားချင်။

သြော်... ဘုရားအလုပ် တရားအလုပ်ကိုဖြင့်

အားထုတ်မယ် ကြံစည်ပေမယ့်.......'

စသည်ဖြင့် ညည်းမိသည်မှာ ဓမ္မတာပင် ဖြစ်သည်။

ဆရာကြီး၏ ဘ၀ အတွေ့အကြုံကား ကုံလုံကြွယ်ဝလှသည်။ ဆရာကြီး၏ ဘ၀ မာတိကာစဉ်ကား များထွေလှသည်။ ဘုန်းကြီးကျောင်း စာသင်သား၊ အညာခရီးသည်၊ စာစီသမား၊ စာပြင်ဆရာ၊ အယ်ဒီတာ၊ ဆောင်းပါးရှင်၊ ရာဇ၀င်ကျမ်းပြုဆရာ၊ စာပေကျမ်းပြုဆရာ၊ ၀တ္ထုရေးဆရာ၊ ပြဇာတ်ဆရာ၊ မြန်မာစာပါမောက္ခ၊ သတင်းစာဆရာ၊ ကဗျာဆရာ၊ ဒို့ဗမာအစည်းအရုံးနာယက၊ ကမ္ဘာ့ငြိမ်းချမ်းရေး၊ ပြည်တွင်ငြိမ်းချမ်းရေး အဖွဲ့အစည်းဥက္ကဌ၊ စတာလင် နိုင်ငံတကာ ငြိမ်းချမ်းရေးဆုရ၊ အင်္လကာကျော်စွာ ဘွဲ့ရ၊ ဂျာမဏီတက္ကသိုလ်မှ ဒေါက်တာဘွဲ့ရ။

ဤ ဆရာကြီး သခင်ကိုယ်တော်မှိုင်းဟူသော ပုဂ္ဂိုလ်ကို ခင်ပြီးနောက် ဘာကြောင့် ဆရာကြီး၏ ကဗျာတရားတို့ကို မမင်ဘဲ နေနိုင်မည်နည်း။

ဆရာကြီးသည် သူရေးသည့်အတိုင်း လုပ်သည်။ ဆရာကြီး၏ တရားသည် ဆရာကြီး၏ အလုပ်မှ ထွက်ပေါ်လာသည်။ ဤအချက်မှာ အထူးခြားဆုံးဖြစ်၏။

နိုင်ငံရေးလောက၌ ပြောသလို လုပ်သူ ရှားသည်။ အပြောတခြား အလုပ်တခြားက များသည်။ ပုဂ္ဂိုလ်နှင့်တရား ဘာမျှမဆိုင်ကြ။

ဆရာကြီးသည် အခန်းထဲမှ ကဗျာသက်သက် ရေးသူ မဟုတ်ပေ။ မှန်တံခါးအတွင်းမှ နေ၍ လယ်ထွန်စက်ကို ဖွဲ့သော လယ်သမား အလုပ်သမား တဆိပ်တပ် သုခမိန် မဟုတ်ပေ။ ဆရာကြီးသည် ပြည်သူကြား၌ နေကာ ပြည်သူတို့၏ ရင်ခုန်သံကို ဖော်ကျူးသည်။ ဆရာကြီး၏ အမျိုးသားလွတ်မြောက်ရေး ရဲတင်းသံကြောင့် ပြည်သူတို့ ရဲရင့်ရသည်။ ဆရာကြီး၏ ငြိမ်းချမ်းရေး ရဲတင်းသံကြောင့် ပြည်သူတို့ အားသစ်လန်းရသည်။

ဆရာကြီး၏ ကဗျာများကို လေ့လာခြင်းသည် ပြည်သူ့စပ၏ သဘောတရားကို လေ့လာခြင်း မည်ပေသည်။

ဆရာကြီးသည် ကဗျာအတွက် ကဗျာရေးသူ မဟုတ်ပေ။ ဆရာကြီးသည် ပိဋိကတ် စကားများကို မသုံးနှုန်း၊ အရပ်စကား လူထုစကားကိုသာ သုံးသည်။ ကဗျာကို က၀ိ၏ ဥစ္စာဟု ခက်ခဲနက်နဲအောင် ဘယ်တော့မှ မကြီးကျယ်၊ မ၀င့်ဝါ။ ထိုကြောင့် ဆရာကြီးသည် မဟာသခင်ကိုယ်တော်မှိုင်း။

ကျွန်တော်သည် ဆရာကြီး၏ ရဲတင်းသံကို ကြားရင်း ရင်ခုန်လာသည်။ သွေးသစ်တိုး လာသည်။

(၅)

ဒတ်ဆန်းကားလေးသည် ၃ နှစ်ကျော် ကွဲကွာနေခဲ့သော လမ်းကလေးသို့ ချိုးဝင်လိုက် သည်။

စိမ်းသော သစ်ပင်များသည် မြရွက်တို့ဖြင့် မြူးကနေကြသည်။ သစ်ရိပ်ပြောက်ကျား ထဲမှ နေ၀န်းနီနီသည် ကျွန်တော့်ထံ ပြေးလာ၏။

ဒဂုန်တာရာ

ငွေတာရီမဂ္ဂဇင်း၊ ၁၉၆၇၊ ဇူလိုင်။

{ဒဂုန်တာရာ ရဲ့ 'စာလုံး၊ ဆေးစက် စောင်းကြိုး နှင့် ကတ္တီပါကားလိပ်' ၁၉၇၄ ဧပြီလ၊ ပထမအကြိမ်မှ ကူးယူဖော်ပြပါတယ်}

သံသယနှစ်ကာလ သို့မဟုတ် သက်လေးဆယ်၏ နိုင်ငံရေးသမ္မာကျမ်းစာ

ငါ့ဘဝတွင်

နှစ်လရက်တွေ၊ ကျော်ယွန်းလေခဲ့

စီးတွေဖိတ်ဖိတ်၊ တရိပ်ရိပ်တည့်

တစိပ်တခြမ်း၊ လူ့သက်တမ်းတွင်

ကုန်ခမ်းစေ့မြောက်၊ လေးဆယ်ရောက်သော်

နက်စောက်မြင့်မား၊ အတွေ့များဖြင့်

အခါးအချို၊ ထိုထိုရောပြွမ်း

စုံမွမ်းမွမွ၊ တရွရွဖြင့်

လောက အမြင် ဖွဲ့စည်း၏။     ။

ပျိုမြစ်ရွယ်က

တင့်တယ်ဆန်းကြွ၊ သည်အလှမှာ

တွေ့ရခုနေ၊ ကျည်းတန်ပေသည်

ရွှေဟုထင်ထား၊ ဝါဝါများလည်း

လကားကျောက်ဖြုန်း၊ သဲကြဲဖုံး၏

မြက်ငုံးအောက်ထပ်၊ ပြားပြားဝပ်လည်း

ပေါ်လတ်ကြယ်ပျံ၊ ပန်းရောင်လျှံသည်

တန်ဘိုးများစွာ ပြောင်းလဲလျက်။     ။

ငါ့ပြည်ငါ့ရွာ

လယ်ယာအင်းအိုင်၊ စုံမြိုင်တောလမ်း

ကျယ်ဝှမ်းသလောက်၊ လှမ်းမပေါက်ခဲ့

ရောက်သည့်မြေပြင်၊ ကျေးတခွင်မှာ

သစ်ပင်သီးနှံ၊ ဝင်းမှည့်လျှံ၏

သယံဇာတ၊ သဘာဝသည်

ကြွယ်ဝပေါများ၊ ပြန့်တလျားတည့်

မှတ်သားရသည်၊ ငါဒို့ပြည်ကား

စည်ကားချမ်းသာ လှပေစွ။     ။

ဧရာဝတီ

စိမ်းကြည်ပြာလဲ့၊ စီးဖွဲ့ဝန်းခွေ

ရေယဉ်လမ်းစ၊ မလိခနှင့်

မေခဆုံရာ၊ မှုံပြာတောခြေ

ရေခဲနှင်းပွင့်၊ ဖြူဖြူတင့်ကြ

စိမ်းရင့်တောင်ကြော၊ ဂျင်းဖေါနယ်မြေ

ရွှေကျင်မှုန့်များ၊ မျောပါသွားကြ

ကမ်းပါးမြစ်ရိုး၊ ပုထိုးစေတီ

ချိုစည်ညောင်ရွက်၊ လေသက်သံလွင်

တတင်တင်မြည်၊ ဇင်ယော်ပျံလေ

အောက်ကြေစုန်ရာ၊ ရေငန်ဝါညို

ကနစိုငုတ်၊ မီးဖုတ်လယ်ရိုင်း

ကိုင်းခုတ်ငါးလုပ်၊ ရေပြည့်မြုပ်လျက်

ရွက်ပုပ်မျောတင်၊ မြက်ရှည်ပင်တို့

ကျူသင်ရိုင်းငေါ၊ စိမ်းပေါလောလျှင်

ဗျိုက်တောဗေဒါ၊ ရွှေလတာပြင်

ဖြတ်ဖြာစီးသန်း၊ သောင်ကျွန်းဝဲဆိုင်

သောသောအိုင်မျှ၊ မြေနုထသည်

မြစ်ဝကျွန်းပေါ် စိမ်းစိမ်းတည်း။

တရုတ်ပြည်မှ

စီးလည်သံလွင်၊ တောင်စဉ်ဂနိုင်

မောမြိုင်ရှမ်းမြေ၊ ကညင်လေမြူး

ထင်းရူးမွှေးမြ၊ နှင်းသလိမ္မော်

လှော်နံ ခါးရွက်၊ သနပ်ဖက်တည့်

လဘက်တောင်ကြား၊ စိမ်းရွက်များသည်

ဖါးစည်လင်ကွင်း၊ မောင်းသံခင်း၍

သံညှင်းနောင်နောင်၊ ခေါင်ရည်ရှကြူ

တောင်သူ က, ယစ်၊ ယူကလစ်နံ့

သင်းပျံ့လေကြော၊ ဝါသောနီသော

ရဲသောပြာနု၊ ငုနီလာပွင့်

ပြုံးတင့်ငိုက်ကျ၊ လှပပေစွ

မုတ္တမနယ်၊ ပင်လယ်ကွေ့ထက်

ကြက်ပေါင်စေးတော၊ အဖြိုက်ကျောနက်

အပြောကျယ်ဝန်း၊ မြမြရွှန်းသည်

စိမ်းလန်းညို့မှိုင်း၊ ငါဒို့တိုင်းတည့်

စိုင်းနှင်ဖြတ်သန်း၊ ခရီးလမ်းတွင်

ပုခုံးထမ်းသည်၊ လှည့်လည်ဗျန်ကျ

ဓားမထင်းခွေ၊ လှေပေါ်ဈေးရောင်း

မြစ်ချောင်းရေတိုး၊ စူးထိုးယာခုတ်

လက်လုပ်လက်စား၊ ဆင်းရဲသားတို့

စက်အားကင်းမဲ့၊ တနဲ့နဲ့တွင်

ဖွဲ့နွဲ့သြကာသ၊ ကွမ်းသွေးစပေ

ပသ နတ်ကွန်း၊ ညှိထွန်းဆီမီး

ကြေးစည်သံဝဲ၊ ရှင်ပြုပွဲမှ

မစဲဗျောသံ၊ ပဲ့လျှံထင်ရိုက်

ဝန်းဝိုက်မဆန့်၊ ကျေးလက်နှံ့သည်

မဖွံ့ဖြိုးသည့် ဒို့ဒေသ။     ။

ဧရာဝတီမှ

ယံစီမြစ်ဝှမ်း၊ တထောက်လှမ်းခဲ့

တောတန်းမှောင်သန်း၊ ပြာနှမ်းရောင်ဖုံး

တောင်ကတုံးနှင့်၊ မြက်ထုံးခြောက်သွေ့

ဘေးတွေ့ရေလွှမ်း၊ ဒုက္ခပြွမ်းလည်း

စီးပွါးရေးစနစ်၊ အသစ်တည်လျက်

စက်ရုံအလုပ်ရုံ၊ ကုန်ထုတ်စွမ်းအား

ကြီးမားလာစေ၊ စာပေဆန်းနု

ယဉ်ကျေးမှုတို့၊ ဖူးဥသစ်လန်း

ပန်းတိုင်းပွင့်ကြ၊ ဖန်တီးလှရာ

စိတ်ချလက်အေး၊ ငြိမ်းချမ်းရေးကား

သွေးစည်းညီညွတ်၊ ရလဒ်အဖြေ

မြေယာပြောင်းလဲ၊ လယ်ထဲပေါင်းဆုံ

ဘုံအဖွဲ့မှ၊ သီးနှံရ၏

မြို့ပြရပ်ကွက်၊ ဘုံဖွဲ့လျက်တည့်

ပုခက်လွှဲလက်၊ ထင်းထည့်လက်သည်

စက်မှုပစ္စည်း၊ အပြီးမြောက်တိုင်

ကိုယ်တွယ်ရွရွ၊ ထုတ်လုပ်ကြ၏

သမဝါယမ၊ စည်ထွန်းကြပြီး

ရွှင်ပျပျော်ပါး၊ ဆိုင်ကန္နားတည့်

ခွေးသွားစိပ်များ၊ ကြိတ်မောင်းသွားကြ

စွမ်းအားတိုးတက်၊ အောင်မြင်ချက်ကား

ပေါင်းဘက်ခေါင်ချုပ်၊ အလုပ်သမား

လူတန်းစား၏ ညီညွတ်ရေး။     ။

ဗေါ်လဂါမြစ်

မြေသစ်တူးမြောင်း၊ ထွန်စက်မောင်းကြ

စုပေါင်းလယ်ယာ၊ ဓါတ်သြဇာတည့်

ရှေးခါကန္တာရ၊ သဲမွဖောက်ထုတ်

မြစ်ကြောင်းနှုတ်လွှဲ၊ လူလုပ်ပင်လယ်

အင်းကျယ်လှိုင်းထ၊ ပွင့်မြသစ်သီး

ငါးလည်းကူးခတ်၊ လျှပ်စစ်ဓါတ်ကြိုး

ရွာရိုးတလျှောက်၊ သန်းခတ်ပေါက်ကြ

မြေအောက်သတ္တု၊ ရှာဖွေမှုတွင်

တောင်စဉ်မြေရိုင်း၊ စေခိုင်းသမျှ

လူ့သိပ္ပဖြင့်၊ မှိုင်းမြစိမ်းသော

သစ်တောစိုက်ကြ၊ သဘာဝ၏

ဇလရေအား၊ ယန္တယားတည့်

နဖါးကြိုးတပ်၊ အတတ်ပညာ

စာပေမော်ကွန်း၊ စာကြည့်ခန်းနှင့်

ဆန်းတင့်ဇာတ်ခုံ၊ ဈေးရုံစည်ကား

ခံ့ညာရွှေရေး၊ ယဉ်ကျေးမှုနန်းတော်

သော်မော်ပွင့်ကြွ၊ ပြတိုက်ဆောင်ဆောင်

မြရောင်ဖလ်မံ၊ နံရံပန်းချီ

မှန်စီကျောက်ကား၊ စိတ်ခံစားကြ

လုပ်အားရှိမျှ၊ လုပ်ခရကြောင့်

ပြည့်ဝချမ်းသာ၊ မှန်သေတ္တာဖြင့်

ဆိုင်မှာရောင်းထုတ်၊ အိုင်ဆိုတုတ်ဟု

အနုမြူဆေးဝါး၊ ဝယ်နိုင်အားရှိ

စည်ကားရွှင်ပျော်၊ တေးဆိုမော်ကြ

မော်စကိုမှ၊ ထွက်ရပေပြီ

မြားနီရထား၊ စီးခဲ့ငြား၍

နှင်းသားဖြူလွှာ၊ ခြုံရုံကာတည့်

ပီတာဘုရင်၊ စိတ်ကူးဆင်သ

လီနင်ဂရက်၊ ကျွန်းရှက်ပြာစိမ်း

ယူကရိန်းပြည်၊ ဂျော်ဂျီယာနယ်

လှည့်လည်ကူးသန်း၊ အင်းအိုင်ဝှန်းမျှ

ခ၇ီးလမ်းဝယ်၊ အလယ်ဥရောပ

စိမ်းမြတောင်တန်း၊ ကွေ့သန်းမြစ်ဝိုက်

ရဲတိုက်ကျုံးရံ၊ ရေကန်ကြေးမုံ

ငန်းဖြူစုန်မြူး၊ အထူးထူးတည့်

ရွာဦး၌ကား၊ နွားနို့ချက်ရုံ

ဇာတ်ခုံနယား၊ တံတားရှေးဟောင်း

ဘုရားကျောင်းနှင့်၊ နွဲ့နှောင်းခြူမည်

ဂျစ်စီအက၊ ဖြူလွနှင်းရစ်

မြစ်ပြာခက်မွှာ၊ ပရာဟာတည့်

ကုန်မာဈေးတန်း၊ စက်ရုံလွှမ်း၏

နည်းလမ်းတကျ၊ ဝါဒအချုပ်

အလုပ်သမား၊ လူတန်းစား၏

ကိုယ်စားအာဏာ၊ အုပ်စိုးပါ၏

ပြာပြာနက်ဆင်၊ ပင်လယ်ကမ်းခြေ

ပန်းဖြေရိပ်သာ၊ နားရာစခန်း

စိမ်းလန်းမြထုံ၊ နွေပန်းငုံအောက်

ဆေးရုံများမြောင်၊ ဆောင်ဆောင်ခန်းခန်း

လူတန်းစေ့ရေး၊ အေးချမ်းသာယာ

လူ့အနာဂါတ် တည်ဆောက်၏။     ။

ငါ့သက်တမ်း၌

စွဲလန်းမှတ်မိ၊ သတိတရ

ငယ်စဉ်ကလျင်၊ ပိတ်ကြတံခါး

ချောက်ချားကြီးစွာ၊ လှုပ်ရှားလာကြောင့်

ကာကွယ်ရေးတပ်၊ စောင့်ကြပ်ဖွဲ့ထား

လယ်သမားသူပုန်၊ ဂဠုန်ထကြွ

တော်လှန်ကြသည်၊ ကျသည့်အလောင်း

ခေါင်းဖြတ်သွေးရဲ၊ ဂါတ်တဲေ၇ှ့ပြ

တွေ့ရဓါတ်ပုံ၊ ရင်တုန်ထိခိုက်

ရှိုက်ရှိုက်မောလျ၊ ခံစားရခဲ့

ဘဝရေယဉ်၊ စီးသွင်သွင်ဝယ်

မှတ်ထင်ကျန်ရစ်၊ သုံးခြောက်နှစ်က

ဟစ်ကြွေးကြော်ကာ၊ ကျွန်ပညာရေး

ထွက်လာတန်းများ၊ ကျောင်းသားသပိတ်

အိပ်ရာခြင်ထောင်၊ ဇရပ်ဆောင်ရွှေ့

အိမ်မေ့စုဝေး၊ အဖွဲ့မွေးဖွား

ကျောင်းသားသမဂ္ဂ၊ ခွပ်ဒေါင်းကြွပြီ

ရွရွအားမာန်၊ တူအလံဖြင့်

ရေနံမြေမှ၊ ချီတက်ကြသော်

လမ်းကတားဆီး၊ မြင်းစီးပုလိပ်

သပိတ်ပြန့်ကျယ်၊ လယ်သမားတပ်

ဝါးဖတ်ခမောက်၊ တစဉ်ကောက်လွယ်

နေအောက်လူတန်း၊ ရွေ့ရွေ့လှမ်းပြီ

ချီတက်စုဝး၊ အရေးတော်ပုံ

တပ်ပေါင်းစုံ၍၊ ရွှေတိဂုံမုခ်

သိင်္ဂုတ္တရ၊ ကုန်းမြမြဝယ်

နယ်ချဲ့ဆန့်ကျင်၊ သွင်သွင်စီးဆင်း

အတွင်းဝန်ရုံးဝိုင်း၊ လူထုလှိုင်းကြီး

စိုင်းလားမြင်းတပ်၊ နံပါတ်ဒုတ်ဝင့်

ဆင့်လွှဲတအား၊ ရိုက်ခွဲငြားသော်

ကျောင်းသားသွေးလွှမ်း၊ စပတ်လမ်း၌

နီမြန်းပွက်ထ၊ အောင်ကျော်ကျပြီ

မျက်ရည်ယိုစီး၊ ပြည်သူစည်းရုံး

ထောင်သုံးရာပြည့်၊ ယင်း၏ခန်းသစ်

ဖွင့်လှစ်အချုပ်၊ သမိုင်းအုပ်ကား

အလုပ်သမား၊ လယ်သမားနှင့်

ကျောင်းသားပညာတတ်၊ ပေါင်းစပ်လက်ချိတ်

မဟာမိတ်တပ်၊ ဖွဲ့လတ်လှုပ်ရှား

အမျိုးသားလွတ်မြောက်ရေး အင်အားစုများ။     ။

မတ်လတော်လှန်ရေး

ဖက်ဆစ်ပြေးသော်၊ သွေးစည်းတပ်ပေါင်းစု

ညီညွတ်မှုရ၊ ဖဆပလ

တည်ဆောက်ကြပြီ၊ ကိုလိုနီအား

လူထုအားဖြင့်၊ ခြားနားတွန်းလှန်

စိုက်သွန်ခွန်ဆဲ၊ ကွန်မြူနစ်ပါတီ

ပယ်ထုတ်ပြီးမှ၊ ဖဆပလ

ပြိုကွဲစသည်၊ ငါဒို့ပြည်လည်း

လွတ်လပ်ပြီးသော်၊ သွေးစီးကျဆင်း

ပြည်တွင်းစစ်ပွဲ၊ ကွဲပြားပစ်ခတ်

သတ်ဖြတ်ကြရာ၊ ပြည်တော်သာတဲ့

ရွာစေရွှေမိုး၊ အခွန်တိုးစေ

ကုန်ခိုးသားဝ၊ မယားဝကြ

ငါ့ပါတီဝင်၊ လိုင်စင်ရစေ

ငွေနှင့်လက်နက်၊ ဖျက်ဆီးသောနည်း

စည်းရုံရေးမှူး၊ အာဏာရူးများ

ခါးတွင်းဗျောက်ထိုး၊ အရက်ချိုးကပ်

သူခိုးအားပေး၊ မှောင်ခိုဈေးကွက်

သူ့လက်ထဲတွင်၊ လာဘ်ဦးတင်ကြ

အမတော်ကြေး၊ ဖြတ်စားရေးတည့်

တပြည့်လက်သား၊ နောက်တော်ပါး၌

စားဖားကုန်သည်၊ လူလယ်ကံထရိုက်

လူမိုက်ဖာဆွယ်၊ မယားငယ်လျင်

ချောသွယ်ဒေဝီ၊ မာစီဒီးစီး

ဝန်ကြီးမှူးများ၊ ကစားကြွေပစ်

အော်ဟစ်မာဂျောင်း၊ မြင်းလောင်းကလပ်

သေနတ်ချိမ်းချောက်၊ အာဏာအောက်မှ

ရွေးကောက်ပွဲများ၊ တရားမည်လား

စည်ကားရုံးပြင်၊ နတ်စင်ချိမ့်မွမ်း

ရှာပန်းနီဝင်း၊ သေရည်သင်း၏

ရေတွင်းတူးဟ၊ အုန်းစိုက်ကြစမ်း

ဂမုန်းပန်းပင်၊ေ၇ွှငွေဆင်ကြ

ဗေဒင်အကျော်၊ လူပျံတော်ထံ

အကြံယူငြား၊ လူတန်းစားသစ်

ပါးအစ်ရဲနီ၊ အဆီယစ်ဆူ

ခါးဗိုက်ပူ၏၊ ပြည်သူတို့ကား

အသားကြမ်းထော်၊ ပိန်ညှော်ညှော်နှင့်

ရင့်ယော်ဝဲယား၊ စားနေလမ်းဘေး

ကလေးများကား၊ ကစားဈေးရောင်း

စာသင်ကျောင်းရွဲ့၊ စာပွဲနဲ့၏

နယ်ချဲ့သမား၊ နိုင်ငံခြားငွေ

အမေရိကန်၊ ထောက်ပံ့ခံ၏

စီမံကိန်းများ၊ ခြစားရာတွင်း

အရင်းရှင်လမ်း၊ အမြတ်ပြွမ်းတီး

ထောင်ခန်းချဲ့တိုး၊ သူတို့စိုး၏

ဆယ်မိုးဆယ်နှစ်၊ ခေတ်၏ထိမ်းမှတ်

သေနတ်နှင့်ခြ၊ မြင်တွေ့ရသည်

ပဌမ ဆိုရှယ်လစ်လမ်းစဉ်တည်း။     ။

မျက်စေ့အောက်၌

မှောက်ခုံလဲကျ၊ ပျက်စီးကြပြီ

ဖဆပလ၊ အလပတ

ပထစဟု၊ နာမသွယ်သွယ်

ပြောင်းလဲပြယ်လည်း၊ ဆိုရှယ်လစ်ပါတီ

သည်ပင်မကြီး၊ တနွယ်တည်းမှ

ဆင်းသက်ကြသည့်၊ အတ္တဟိတ

သက္ကာရပြု၊ ခေါင်းဆောင်မှုတည့်

လူထုအကျိုး၊ မသည်ပိုးနိုင်

တန်ခိုးအာဏာ၊ တပ်မက်စွာငမ်း

ငါ့အားဝေဖန်၊ ငါ့ရန်သူတည့်

ငြူစူမျက်စောင်း၊ ချောင်းချောင်းဒေါသ

ငါမှတပါး၊ အားလုံးမှားကြ

ဓါးကြိမ်းလှံကြိမ်း၊ ဟိမ်းဟိမ်းဟောက်ဟ

မာနယစ်မူး၊ မှူးကြီးဝန်မင်း

ဝပ်စင်းငါ့ထံ၊ နာခံကြစေ

ဂိုဏ်းဂဏဝါဒ၊ စူးစူးထ၍

အထက်မှသည်။ ပြည်သူပေါ်သို့

အတင်းပို့ကာ၊ စည်းရုံးပါသည်

ဘယ်မှာညီညွတ် ငြိမ်းချမ်းကြအံ့နည်း။     ။

တွေ့ရသည်ကား

ဤလူသား၏၊ အားနည်းချက်များ

လက်အောက်ထားကြောင့်၊ ဆွပွါးပြသနာ

ဆင့်ကာအမှား၊ ကျူးလွန်ငြား၏

မရိုးသားသူ၊ ပေါများထူသည်

ဖြူစင်သူကား၊ ဆင်းရဲသားတည့်

ရေအားသစ်တော၊ စိမ်းသောလယ်ယာ

မြေလွှာဆီဥ၊ သတ္တုကျွဲနွား

စပါးရွှေတောင်၊ မြေပဲအောင်လည်း

ခေါင်းဆောင်ညံ့ဖျင်း၊ ရိုးသားကင်းကြောင့်

ဆင်းရဲမွဲတေ၊ လူနေမှုဆင့်

မမြင့်ဘဲလျင်၊ ရှိရပင်တည်း

စွမ်းအင်လုပ်အား၊ လူ့လုပ်အားနှင့်

စွမ်းအားမြိုင်မြိုင်၊ ပြည်သူပိုင်လုပ်

ကုန်ထုတ်စွမ်းအား၊ မောင်းနှင်သွားမှ

ပေါများခါးဝတ်၊ မငတ်ပြည့်စုံ

ကုံလုံချမ်းသာ၊ ပြည်သာယာလိမ့်

ပညာရေးထက်၊ ကျည်ဆံမက်၍

လေးနက်ကင်းငြား၊ တရားဆွံ့ဆွံ့

မဖွံ့ဖြိုးသေး၊ အတွေးအခေါ်

မြော်မြင်နည်းမှု၊ ခေါင်းဆောင်မှုကား

နန်းလုမည်စိုး၊ ဓါးမိုးသတ်လေ

ပဒေသရာဇ်၊ နို့စို့စစ်သို့

ကျန်ရစ်ပုံပြင်၊ ယနေ့ထင်ဟပ်

ပြဇာတ်ဝင်ထွက်၊ တင်းတိမ်ကွက်တွင်

အတက်အဆင်း၊ လင်းပြီးမှောင်ချ

ထိုးဟသတ်ဟ၊ ငိုယိုကြသည်

မြန်မာ့လွမ်းခန်းပေတကား။     ။

[အလင်္ကာ ကဗျာပေါင်းချုပ်၊ ဒဂုန်တာရာ။ နိုဝင်ဘာလ ၁၉၆၂။ ပထမနှိပ်ခြင်း]