စိန်သရဖူကို လမ်းဘေးရောက်အောင် ဘယ်လိုလုပ်ကြမလဲ (၃)

စိန်သရဖူကို လမ်းဘေးရောက်အောင် ဘယ်လိုလုပ်ကြမလဲ (၃)

[စာမျက်နှာ ၈၈ - ၉၄]

(၁၉)

၁၉၃၈ ဒီဇင်ဘာလ ၁၁ ရက်နေ့၌ ကျောင်းသားသမဂ္ဂ ဥက္ကဌ ကိုဗဟိန်းနှင့် အတွင်းရေးမှူး ကိုဗဆွေတို့ မကွေး၌ အဖမ်းခံရသော သတင်းသည် ကျောင်းသားလောက၌ ရိုက်ခတ်သွားခဲ့ပေသည်။

နောက်တနေ့ နံနက်၌ ဘုန်းကြီးကျောင်းဝင်းအတွင်းရှိ သပိတ်စခန်း၌ ရှိသော ရေနံမြေ အလုပ်သမားတပ်ကြီး သည် ဆက်လက်ချီတက်ရန် ဟန်ပြင်သည်။  လှံစွပ်သေနတ်ကိုင် စစ်ပုလိပ်များက ချိန်ထားကြသည်။  ရေနံတပ်ကြီးသည် အတင်းတိုးထွက်သည်။  အလုပ်သမား တပ်ကြီးအပြင် မြို့သူမြို့သား ပရိသတ်ကလည်း မနည်း။  လှံစွပ်များ နောက်ဆုတ်သွားကြသည်။  ရေနံတပ်ကြီးက ရှေ့သို့ တိုးလာကြသည်။  ထိုအခါ မြင်းတပ်က ဝင်လာသော အလုပ်သမားများကို ဝင်တိုက်သည်။  အလုပ်သမားများကား နောက်ဆုတ်မသွား။  လဲသူလဲ၊ ပြဲသူပြဲ။  ထို့နောက် ပန်ချာပီ ပုလိပ်များက တုတ်နှင့် တအားရိုက်သည်။  သွေးထွက်သံယို၊ ဘေးက ကြည့်နေသော လူထုကြီးမှာ ဒေါသထွက်ခါ ပုလိပ်များအား ခဲနှင့်ပေါက်သည်၊ ရာဇဝတ်ဝန်ထောက် ခေါင်းကို ခဲထိသွားသည်။  သို့သော် ရေနံမြေ အလုပ်သမားများသည် နောက်သို့ မဆုတ်၊ မြင်းနှင့်တိုက်၊ တုတ်တွေနှင့် ရိုက်သဖြင့် ဖရိုဖရဲ ဖြစ်သွားသော်လည်း ခဏမျှသာ။  လူစုကား ကွဲမသွား။  ရှေ့သို့သာ တိုး၍ ချီတက်ကြသည်။  လှံစွပ်ကို မကြောက်၊ တုတ်ကို မကြောက်။

သခင်မျိုးဟေ့ ဒို့ဗမာ

သပိတ် သပိတ်၊ မှောက် မှောက်

မီးတုတ် မီးတုတ်၊ ရှို့ ရှို့

ဓနရှင်အစိုးရ ကျဆုံးပါစေ

အရေးတော်ပုံ အောင်ပါစေ

ကြွေးကြော်သံများသည် ပဲ့တင်ထပ်လျက် ရှိသည်။  အလုပ်သမားများကား တက်ကြွလျက် ရှိသည်။  ဘေးမှ ကြည့်နေသော မကွေးလူထုကလည်း တက်ကြွလျက် ရှိသည်။  အမိန့် ထပ်ပေးပြန်သည်။  အလုပ်သမားများ ဘက်သို့ သေနတ်ထုတ်ချိန်ထားကြသည်။  ပစ်မည် မှတ်၍ အလုပ်သမား အားလုံး ဝပ်လိုက်ကြသည်။  သေနတ်ကျည်ဆံကား ထွက်မလာ။

နံနက် ၇ နာရီ ထိုးလေပြီ။  ထောင်ကြီးဘက်ဆီမှ အသံများ ကြားရသည်။  အော်သံဟစ်သံ၊ အသံဗလံများ၊ ဝုန်းဝုန်းဒိုင်းဒိုင်း အသံများ၊ ပုလိပ်တပ်၊ စစ်တပ်များ ရုပ်သိမ်းကာ ထောင်ဘက်သို့ ပြေးသွားကြသည်။  ထောင်ကြီး ဆူနေလေပြီ။  ပုလိပ်နှင့် စစ်တပ်များ မရှိသောအခါ အလုပ်သမားများသည် ယခင်က မြင်းတပ် လှံစွပ်တပ်နှင့် တားထားသော လမ်းကို ဖောက်ကာ ကမ်းနားဘက်သို့ ချီတက်ကာ ဆက်လက်ထွက်ခွါသွားကြလေသည်။  ထောင်ထဲတွင် ရှိနေသော အဖမ်းခံ ကျောင်းသားများ၊ အလုပ်သမားများ၊ သခင်များက ဝိုင်းကာ ထောင်ကို လှန့်ပေးပြီး ဆူလိုက်ကြခြင်း ဖြစ်သည်။  မနေ့ကပင် အဖမ်းမခံရမီ ကိုဗဟိန်းက အလုပ်သမားများ မနက်ဖြန် ထွက်ဖြစ်အောင် ထွက်ကြပါဟု ဟောပြောခဲ့သေးသည် မဟုတ်ပါလား။

"အရေးတော်ပုံ အောင်ပါစေ" ဟူသော အလုပ်သမားများ၏ အသံသည် ကမ်းနားဘက် သောင်ပြင်ဆီမှ ထွက်ပေါ်လာတော့သည်။  ရေနံမြေ အလုပ်သမားများသည် သောင်ပြင်တလျှောက် ဆက်လက် ချီတက် လာကြပေပြီ။  ထောင်ဘက်မှ တဖန် မြင်းစီးပုလိပ်များ ရောက်လာကြပြန်သည်။  အလုပ်သမားများကို ဖမ်းသည်၊ တချို့ အကုန်မဖမ်းနိုင်၊ ခေါင်းဆောင်သူဟု ယူဆသူများ။  သည်တခါတွင်တော့ တား၍ မရတော့ပြီ၊ လမ်းကကျယ်။ တာကျိုးခဲ့ပြီ မဟုတ်လား။  ပုဒ်မ ၁၄၄ လည်း ပြယ်သွားပြီ မဟုတ်လား။ လူ စီတန်းလှည့်လည်ခြင်း မပြုရဟူသော အင်္ဂလိပ်အစိုးရ၏ အာဏာစက်ကို ဖီဆန်ခဲ့ပြီ မဟုတ်လား။

ကျွန်တော်တို့မှာ ရေနံမြေသတင်းကို ဖတ်ကာ အားရ တက်ကြွနေမိသည်။  ကျောင်းသားများမှာ စာသင်ခန်းများ သို့ သွားနေကြသော်လည်း ရင်ထဲ၌ကား သမဂ္ဂ ဥက္ကဌ၊ အတွင်းရေးမှူးတို့အား ဖမ်းခြင်း၊ အလုပ်သမားများ ပုလိပ်-စစ်တပ်ကြားမှ ဖောက်ထွက်ကာ ရန်ကုန်သို့ ဆက်လက်ချီတက်လာခြင်းများသည် ရိုက်ခတ်လျက် ရှိနေပေသည်။  ကျောင်းသားသမဂ္ဂ ဥက္ကဌ၊ အတွင်းရေးမှူး ဖမ်းခြင်းကား သူတို့ကို နှိုးဆွလိုက်သလို ဖြစ်နေသည်။  ကျောင်းသားကို ဖမ်းလိုက်သဖြင့် ရေနံမြေ အလုပ်သမားများကို စိတ်ဝင်စားလာမိကြသည်။  အလုပ်သမားများ အရေးကြောင့် ကျောင်းသားသမဂ္ဂ ဥက္ကဌ အဖမ်းခံရခြင်း မဟုတ်ပါလား။

ဗမာနိုင်ငံလုံးဆိုင်ရာ ကျောင်းသားများ သမဂ္ဂနှင့် တက္ကသိုလ်သမဂ္ဂသည်လည်း နေ၍ မရတော့။  သူတို့၏ ဥက္ကဌ ကိုဗဟိန်းနှင့် အတွင်းရေးမှူး ကိုဗဆွေတို့အား ဖမ်းဆီးထားသည်ကို ကန့်ကွက်ရန် စဉ်းစားလာရတော့သည်။  မကွေး ရေနံမြေ အလုပ်သမားများ၏ သပိတ်စခန်း၌ ကိုဗဟိန်း ဟောပြောသော -  "  မြင်းခွါ တချက်ပေါက်လျှင် မီးဟုန်းဟုန်း တောက်စေမယ်  "  ဟူသော စကားအတိုင်း မီးလျှံကား စတင်လေပြီ။

ဒီဇင်ဘာလ ၁၃ ရက်နေ့တွင် တက္ကသိုလ်သမဂ္ဂ အသင်းတိုက်၌ တက္ကသိုလ်ကျောင်းသားထု အစည်းအဝေး ကျင်းပသည်။  အစည်းအဝေးသဘာပတိအဖြစ် ဒုဥက္ကဌ ကိုလှရွှေက ဆောင်ရွက်၍ အတွင်းရေးမှူးအဖြစ် တက္ကသိုလ်သမဂ္ဂအတွင်းရေးမှူး ဥပဒေတန်းသား ကိုအေးကျော်က ဆောင်ရွက်သည်။  ကိုလှရွှေမှာ ဥက္ကဌ ကိုဗဟိန်း အဖမ်းခံရ ကတည်းက သမဂ္ဂဥက္ကဌ နေရာ၌ ဆောင်ရွက်လာခဲ့ပေသည်။  မြန်မာဘုရင်မင်းမြတ် လက်ထက်များက စစ်ချီရာ၌ အသုံးပြုသော သူရဲကြီးအလံကို စိုက်ထူထားသည်။  မြန်မာအချုပ်အချာ အာဏာပိုင်မှုသဘော၊ မြန်မာ့လွတ်လပ်ရေးသဘော၊ တနည်းဆိုသော နယ်ချဲ့ဆန့်ကျင်ရေးသဘော အထိမ်းအမှတ်အဖြစ် သူရဲကြီးအလံကို စိုက်ထူထားခြင်း ဖြစ်သည်။ ကြွေးကြော်သံစက္ကူ အထူကဒ်ပြားများလည်း အစည်းအဝေးခန်းမ၌ ထောင်ထားကြသည်။  လူမိုက်အလိုရှိသည်။  ဗမာ့သတ္တိပြကြပါ။  လာမယ်ဘေး ပြေးတွေ့။  ညီညာမှ ပြည်သာမည်။  နိုင်ငံချဲ့စနစ် ပျက်စီးပါစေ။  ထိုအခါ ယခုကဲသို့ "နယ်ချဲ့" ဟူသော စကားလုံးအဖြစ် သိပ်မပီပြင်သေး၊ နိုင်ငံချဲ့ ဟုပင် သုံးနှုန်းကြသေးသည်။

သမဂ္ဂအသင်းတိုက် အပေါ်ထပ် စာကြည့်ခန်းတွင် ကျောင်းသားများ စုဝေးကာ ကြွေးကြော်သံများ ရေးကြသည်။  လူမိုက်အလိုရှိသည် ဟူသော ကြွေးကြော်သံမှာ လူအများကို ဖမ်းသော ကြွေးကြော်သံ။  မည်သူရေးလိုက်သည် ကိုတော့ မမှတ်မိတော့။  ရေးကြတုန်းကတော့ ကျွန်တော်တို့ ပါသည်။  ကျွန်တော်မှာ ပန်းချီဝါသနာပါသူ ဖြစ်၍ စုတ်တံကိုင်ရသည်ကို ကျေနပ်နေမိသည်။  ထိုနှစ်က ကျွန်တော်မှာ အမှုဆောင်ထဲ မရောက်သေး။  'အတွင်းစည်း' ထဲ၌သာ ရှိသေးသည်။

နောက်တခုကား ပေါရိသာဒဆေး ထိုးကြလော့ ဟူသော ကြွေးကြော်သံ။  လူအများကို ဖမ်းသော ကြွေးကြော်သံ။  ကျွန်တော့် စိတ်အထင်ကတော့ ကိုလှရွှေ ပေးသော စကားလုံး။  ထိုစည်းဝေးခန်းမ၌ပင် ကိုလှရွှေက "အလုပ်သမားတွေက ထမင်းတောင်းတယ်၊ ဓနရှင်အစိုးရက ပေါရိသာဒဆေး ထိုးပေးတယ်" ဟု ပြေားကြားသည် ကို မှတ်မိနေသေးသည်။  ကိုလှရွှေမှာ ဆန်းသစ်သော၊ လှုံ့ဆော်သော စကားလုံးများ ရတတ်သည်။

သမဂ္ဂခန်းမဆောင်မှာ ကျောင်းသားများဖြင့် ပြည့်လျှံသွားသည်။  ကျောင်းသားသမဂ္ဂ အသင်းဝင်ဆိုသည်မှာ ကျောင်းသားအများစု မဟုတ်သေး။  သို့သော်လည်း သမဂ္ဂအစည်းအဝေးများသို့ ကျောင်းသားများ တက်ရောက် နိုင်သည်။  ဆရာကြီးသခင်ကိုယ်တော်မှိုင်း၊ ဦးဘဖေ၊ ဒေါက်တာဘမော်၊ ဦးစော စသော နိုင်ငံကျော် ပုဂ္ဂိုလ်များ တရားဟောပြောလျှင် ကျောင်းသားပရိသတ် များပြားတတ်သည်။  ယခုည အစည်းအဝေးကား လူများ လျှံထွက် နေပုံကို ထောက်၍ ဥက္ကဌ၊ အတွင်းရေးမှူး ဖမ်းထားသည့်ကိစ္စကို ကျောင်းသားထုက မကျေနပ်ကြောင်း ကား ထင်ရှားပေသည်။

ထိုညက ကိုလှရွှေပြောသော စကားများမှာလည်း လူထုကို ထိခိုက် လှုပ်ရှားစေသည်။  ကိုလှရွှေမှာ ပထမနှစ်ဝက် က ဒုဥက္ကဌ အဖြစ်သာ ရှိသေး၍ သူ့စကားပြောသံ သိပ်မကြားခဲ့ရ၊ ယခုကား ဥက္ကဌအဖြစ် သူပြောသောစကား များကို နားထောင်ရသည်။  သူကား ဆရာဝန်သင်တန်း တက်နေသော ဆေးကျောင်းသား ဖြစ်၍ လူနာကို ဆက်ဆံသကဲ့သို့ ပျော့ပျောင်းသည်။  ညင်သာမည်ဟု သာမန်အားဖြင့် မှတ်ထင်ရသော်လည်း ယခုည အစည်းအဝေး၌ကား လှုံ့ဆော်ရေးသမား ဖြစ်နေပေပြီ။  လှုံ့ဆော်ရေးသမား ဖြစ်လာသောအခါ အသံသည် မာလာသည်။  အသံကို မြှင့်၍ ပြောလာသည်။  ကိုလှရွှေမှာ လူထုကို ဆွဲဆောင်နိုင်သော ဟန်ပန် အသံရှိကြောင်း နောက် တွေ့လာရသည်။

ဥက္ကဌ ကိုဗဟိန်း၊ အတွင်းရေးမှူး ကိုဗဆွေ တို့ကား ရာဇဝတ်ကျင့်ထုံး ကိုဓ ဥပဒေ (၁၀၇) အရ ဖမ်းဆီးထားခြင်း သည် မတရားဖမ်းဆီးထားခြင်း၊ တရားဥပဒေနှင့်မညီ၊ ထို့ကြောင့် ချက်ချင်း လွှတ်ပစ်ရန်၊ ပြည်သူ့လွတ်လပ်မှုကို ချုပ်ချယ်ထားသော ဥပဒေများကို ရုပ်သိမ်းရန်၊ ၃ ရက် သပိတ်မှောက်ရန် အဆိုများကို ကျောင်းသားထုက ထောက်ခံကြသည်။

နောက်တနေ့ ဒီဇင်ဘာ ၁၄ ရက် ညနေ၌လည်း ရွှေတိဂုံရင်ပြင်ပေါ်၌ ရန်ကုန်မြို့လုံးဆိုင်ရာ ကျောင်းသားများ အစည်းအဝေး ကျင်းပကာ သမဂ္ဂ ဥက္ကဌ၊ အတွင်းရေးမှူး ဖမ်းထားသည့်အတွက် ကန့်ကွက်ကြသည်။  လွှတ်ပစ်ရန်၊ ပြည်သူ့လွတ်လပ်မှုကို ချုပ်ချယ်သော ဥပဒေများ ရုပ်သိမ်းရန် တောင်းဆိုကြသည်။  တထစ်ပြီး တထစ်၊ တဆင့်ပြီး တဆင့်။

ရေနံမြေ အလုပ်သမားများလည်း ခြေလျင်ချီတက်လာကြရာ မြင်ကွင်း၊ မိချောင်းရဲ၊ ဆင်ပေါင်ဝဲ သို့ပင် ဝင်ကာ အာလံသို့ပင် နီးကပ်လာလေပြီ။  ရွှေတိဂုံ ရင်ပြင်၌ ကျောင်းသားများ စည်းဝေးသော ညနေကား ရေနံမြေ အလုပ်သမားများ ဆင်ပေါင်ဝဲ ရောက်သော ညနေ။  ၁၃၀၀ ပြည့်နှစ် နတ်တော်လဆုတ် ၈ ရက် မိုင် ၂၀၀ ကျော် ခရီးကို ချီတက်လာသူ သပိတ်မှောက် အလုပ်သမားများ၊ လမ်းမှ ဖြတ်သန်းလာသော မြို့ပြကျေးရွာများက သူတို့ကို ကောင်းစွာ ကျွေးမွေး စောင့်ရှောက်ကြသည်။

တကယ်ကတော့ 'ဥပဒေတွင်းတိုက်ပွဲ' ဟု ခေါ်ကြသော လွတ်လပ်ရေးသို့ ရှေးရှုသော လူထုလှုပ်ရှားမှု၏ အစ ပင်ဖြစ်သည်။  သည်တုန်းကတော့ အင်္ဂလိပ် အစိုးရက ကျွန်တော်တို့အား ဥပဒေပုဒ်မ အမျိုးမျိုးဖြင့် မတရားချုပ်ချယ် ထားသည်၊ ဖိနှိပ်ထားသည်ဟု ခံစားနေမိကြသည်။  ထိုအခါ ပြည်သူ့လွတ်လပ်မှုကို မတရား ချုပ်ချယ်ထားတဲ့   "ပုဒ်ထီး ပုဒ်မတွေ အလိုမရှိ" ဟု ကြွေးကြော်ကြသည်မှာ အမှန်၊ ကျွန်တော်တို့ ကန့်ကွက်ကြ သည်မှာ ပုဒ်မ ၁၄၄။  လူစီတန်း လှည့်လည်ခြင်းကို တားမြစ်သော ဥပဒေ၊ ရေနံမြေအလုပ်သမားများကိုလည်း ယင်းဥပဒေဖြင့် ချုပ်ချယ်ထားသည်။  ကျောင်းသားများနှင့်တကွ ပြည်သူလူထုကိုလည်း ယင်းဥပဒေဖြင့်ပင် ချုပ်ချယ်ထားသည်။  ရန်ကုန်သို့ ရောက်လျှင် ကျောင်းသားများကလည်း ကြိုဆိုကြမည်ဖြစ်ရာ ယင်းပုဒ်မ ၁၄၄ ကို ထုတ်ပြန်သည်။

ကျောင်းသားသမဂ္ဂ ဥက္ကဌ၊ အတွင်းရေးမှူးတို့ကို ဖမ်းဆီးထားခြင်းမှ မလွှတ်လျှင်၊ ချုပ်ချယ်ထားသော ဥပဒေများ မရုပ်သိမ်းလျှင် ဆက်လက်၍ တထစ်ပြီး တထစ် အင်္ဂလိပ် အစိုးရအား ဆန့်ကျင်လှုပ်ရှားသွားရန် ဗမာနိုင်ငံလုံးဆိုင် ရာ ကျောင်းသားများသမဂ္ဂက စီစဉ်ဆုံးဖြတ်ထားပြီး ဖြစ်သည်။

ထိုအခါက ကျောင်းသားများ သုံးနှုန်းသော စကားတလုံး၊ ဓနရှင် အစိုးရအား ရာဇသံပေးလိုက်သည် ဟူသော စကားလုံး။  ရှေးအခါက မြန်မာမင်းများက အအုပ်စိုးခံ ပြည်သူများအား သုံးသော စကားလုံး။  ယခု ကျောင်းသားများက သို့မဟုတ် ပြည်သူများက အစိုးရအား ပြောသောစကားလုံးအဖြစ် သုံးနှုန်းလိုက်သည်မှာ နှလုံးတွေ့သော စကားလုံး ဖြစ်နေသည်။  ဘယ်နေ့ ဘယ်ရက်တွင် ဥက္ကဌ၊ အတွင်းရေးမှူးကို လွှတ်ပစ်ရမည်၊ ဘယ်ဥပဒေကို ရုပ်သိမ်းပေးရမည်။  မလွှတ်ပေးလျှင်၊ မရုပ်သိမ်းလျှင် တဆင့်တက်၍ ခြေလှမ်းသစ် လှမ်းရမည် ဖြစ်ကြောင်း ဓနရှင် အစိုးရအား ရာဇသံ ပေးလိုက်သည်။  ကြားရသူတို့မှာ ကြက်သီးမွေးညှင်း ထသွားကြသည်။

နောက်စကားတလုံးမှာ အာဏာဖီဆန်ခြင်း။  အိန္ဒိယနိုင်ငံတွင်ကား ဂန္ဒီအမှူးပြုသော နိုင်ငံရေးခေါင်းဆောင်များ သုံးသောနည်းလမ်း၊ အစိုးရ ထုတ်ထားသော ဥပဒေများ အာဏာများကို ဆန့်ကျင် ဖီလာပြုခြင်း၊ မလိုက်နာခြင်း၊ အကြမ်းမဖက်သောနည်းလမ်း၊ ဥပဒေဘောင်အတွင်းကသာ လှုပ်ရှားသောနည်းလမ်း။ အာဏာဖီဆန်လိုက်လျှင် အစိုးရက ထုတ်ပြန်ထားသော ဥပဒေအာဏာများ ပျက်ပြယ်သွားပြီဟု ယူဆကြသည်။  ပြည်သူ့ဘက်မှ ဒီမိုကရေစီ ဘောင်ကျယ်လာခြင်းဟု နားလည်ကြသည်။  ဒီမိုကရေစီ အခွင့်အရေး တိုက်ပွဲသဘောပင် ဖြစ်သည်။  တဆင့်ပြီး တဆင့်၊ တထစ်ပြီး တထစ် လှုပ်ရှားရသောဥပဒေတွင်း တိုက်ပွဲမျိုး၊ ဒီမိုကရေစီဘောင်ကို ချဲ့သော တိုက်ပွဲ၊ ဥပဒေချိုးဖောက်လျှင် အာဏာဖီဆန်လိုက်လျှင် အနည်းဆုံး အစိုးရဘက်က ဖမ်းနိုင်သည်။  အများဆုံးကတော့ လူစု ခွဲပစ်ခြင်း၊ ရိုက်နှက်သောနည်း၊ ရေပိုက်လုံးဖြင့် ပက်သောနည်း၊ ပစ်ခတ်သောနည်း သုံးနိုင်သည်။

ထို့ကြောင့် လူထုဘက်က စည်းကမ်းရှိကြရမည်။  သေသပ်ရမည်။  စည်းကမ်းသေဝပ်အောင် အထူးထိမ်းသိမ်း စောင့်ရှောက်ရမည်။  စီတန်းလှည့်လျှင် စည်းကမ်းကျနအောင် ထိမ်းသိမ်းရေးကို သေချာစွာ စီစဉ်ရသည်။  ထိန်းသိမ်းစောင့်ရှောက်ရန် လူရွေးထားရသည်။  တာဝန်ယူကြရသည်။ ၁၄ ရက် ည ကတည်းက မနက်ဖြန် အာဏာဖီဆန်ပွဲအတွက် ပြင်ဆင်ကြသည်။  လိုက်နာရမည့် စည်းကမ်းဥပဒေများကို အထူးမှာကြားထားရသည်။  ဇာတ်တိုက်ထားကြ ရသည်။  စီတန်း လှည့်လည်သောအခါ တပ်စုကလေးတွေ ခွဲကာ သူ့တပ်စုနှင့်သူ တာဝန်ယူရန် လူ လျာထား သတ်မှတ် ပေးထားသည်။  အစိုးရဘက် အကြမ်းဘက် လူစုခွဲမည်။  မိမိတို့ဘက်က မတုံ့ပြန်ရ။  အကြမ်းမဖက်ရ။  ချီတက်လာသော တပ်မကြီး မပြိုကွဲအောင်သာ ထိန်းသိမ်းရမည်။

ကျွန်တော်မှာ တပ်စုတစုကို ကြပ်မတ်ရန် တာဝန်ကျသည်။  ကျွန်တော်မှာ သည်လိုနေရာမျိုး၌ မသင့်လျော်ဟု ကျွန်တော့်ကိုယ် ကျွန်တော် နားလည်ထားခဲ့သည်။  ကြေညာစာတမ်း ရေးတာမျိုး၊ ကြွေးကြော်သံ ရေးတာမျိုး၊ ဖတ်ရှုလေ့လာတာမျိုး၊ ကျွန်တော်နှင့် ကိုက်သည်။  ကျွန်တော်က အနုပညာသမား၊ စိတ်ကူးသမား၊ အရေးသမား၊ အတွေးသမား၊ ခက်နေပြီ။  သို့သော် ငြင်း၍ မရတော့။  ဘာကြောင့် သူတို့က ကျွန်တော့်ကို သည်တာဝန်မျိုး ချပါလိမ့်။  ကျွန်တော် နားမလည်။  မနက်ဖြန် ၁၅ ရက်နေ့ အာဏာ ဖီဆန်ကြမည်။ ခြေလှမ်း နောက်တထစ်။